ციფრული აქტივების ბაზარს 10 კრიპტობირჟა იყოფს

ციფრული აქტივების ბაზარს 10 კრიპტობირჟა იყოფს

FTX ჯგუფის ნოემბრის კოლაფსმა ციფრული აქტივების ბაზარზე კრიპტოვალუტის ბირჟების წილისა და გავლენების ცვლილება გამოიწვია. Coingecko-ს ექსპერტებმა უმსხვილესი კრიპტო ბირჟები საერთო სავაჭრო მოცულობაში მათი წილის მიხედვით დააჯგუფეს.

Coingecko-ს კვლევის შედეგები ბირჟების რეიტინგს მიმდინარე წლის მარტის პერიოდში ასახავს. გიგანტურმა Binance-მა საკუთარი ლიდერის პოზიცია ბაზრის 62%-იანი წილით და 560 მილიარდი დოლარის ყოველთვიური სპოტ ვაჭრობის მოცულობით დაადასტურა. მისი სავაჭრო მოცულობა წინა თვესთან შედარებით 2.8%-ით იყო გაზრდილი.

Binance-თან ერთად გავლენას აფართოებენ სამხრეთ კორეული კრიპტო ბირჟა Upbit და სეიშელის კუნძულებზე დაფუძნებული OKX.

მარტის ბოლოს Upbit-მა თავი რეიტინგის მეორე პოზიციაზე როგორც მსოფლიოში სიდიდით მეორე კრიპტო ბირჟამ დაიმკვიდრა,   ბაზრის წილის დაახლოებით 7%-ითა და 64 მილიარდი დოლარის ყოველთვიური სპოტ ვაჭრობის მოცულობით. ამასთან, სავაჭრო მოცულობის თვალსაზრისით,  Coingecko-ს ანალიტიკოსებმა Upbit-ზე თებერვალთან შედარებით 13.5%-იანი კლება დააფიქსირეს.

OKX ბაზრის 6.4%-იანი წილითა და დაახლოებით 58 მილიარდი დოლარის სავაჭრო მოცულობით მესამე ადგილს იკავებს.

Coingecko-ს მიერ აღნიშნული სხვა ტოპ 10 კონკურენტი გლობალური ბაზრის 6%-ზე ნაკლებს იკავებს. Coinbase – 5.4%, MEXC – 5.2% და Gate.io – 4.7%.

Сoingecko-ს თანახმად,  2022 წელთან შედარებით თითქმის 40%-იანი კლება აჩვენა ბირჟამ  MEXC Global. მისი სპოტ ვაჭრობის მოცულობა 84,1 მილიარდი დოლარიდან 46,9 მილიარდ დოლარამდე შემცირდა. 2023 წლის პირველი კვარტალის შედეგების მიხედვით, ბირჟები Kucoin და Huobi  თანდათან ბაზრის წილს კარგავენ.

The Block-ის ანალიტიკოსების განცხადებით,  აპრილის ბოლოსთვის კრიპტოვალუტების ბაზარზე ვაჭრობის მოცულობა 65%-ით დაეცა. ექსპერტები ინციდენტს Binance-ის ბირჟაზე საკომისიოს შემოღებას უკავშირებენ.