მოიმარაგეთ ბიტკოინი, სანამ ბაზარზე ციფრული დოლარი გამოვა
ერთ-ერთი ყველაზე გაყიდვადი წიგნის „მდიდარი მამა ღარიბი მამა“-ს ავტორი რობერტ კიოსაკი გამომწერებს მოუწოდებს, ბაზარზე ციფრული დოლარის გამოჩენამდე ბიტკოინები, ოქრო და ვერცხლი სასწრაფოდ მოიმარაგონ.
რობერტ კიოსაკიმ (Robert Kiyosaki) ივლისში აშშ-ს ფედერალური სარეზერვო სისტემის (FRS) მიერ შექმნილი მყისიერი გადახდის ინფრასტრუქტურის FedNow Service-ის ამოქმედებასთან დაკავშირებით შეშფოთება გამოთქვა.
კიოსაკი დარწმუნებულია, რომ გადახდის სისტემა FedNow შესაძლოა ციფრული დოლარის დანერგვისთვის ერთგვარი შემზადება იყოს.
კიოსაკის თქმით, Fed-ის ციფრული ვალუტა მომხმარებლის კონფიდენციალურობის დაკარგვას გამოიწვევს,
რადგან ციფრული დოლარის დახმარებით ხელისუფლება შეძლებს ამერიკელების გადახდებსა და სამომხმარებლო ჩვევებს თვალყური ადევნოს.
გარდა ამისა, ციფრული დოლარის შემოღება ოქროს, ვერცხლის, ბიტკოინების და ნაღდი ფულის ღირებულების ზრდას გამოიწვევს, დარწმუნებულია კიოსაკი.
მან ინვესტორებს მოუწოდა ჩამოთვლილ აქტივებში ინვესტიცია ახლავე განახორციელონ.
„ციფრული დოლარი გვიახლოვდება. კონფიდენციალურობა ქრება. ყველა დიდი ძმის კონტროლის ქვეშ იქნება. როდესაც ციფრული დოლარი ბაზარზე გამოვა, ოქრო, ვერცხლი, ბიტკოინი და ნაღდი ფული ფასდაუდებელი გახდება. ასე რომ, ნაღდი ფულის შეგროვება და ამ აქტივების ყიდვა ახლავე დაიწყეთ, სანამ ძალიან გვიანი არ არის“ – წერს კიოსაკი ტვიტერზე.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)