ციფრული დოლარი ბიტკოინის ზრდას ხელს შეუწყობს

ციფრული დოლარი ბიტკოინის ზრდას ხელს შეუწყობს

Grayscale Investments-ის აღმასრულებელი დირექტორი მიიჩნევს, რომ ცენტრალური ბანკის ციფრული ვალუტები კრიპტოვალუტებს ბაზრიდან გასვლას არ აიძულებენ, არამედ პირიქით,  ინსტიტუციურ ინვესტორებს მოიზიდავენ.

Grayscale Investments-ის აღმასრულებელმა დირექტორმა მაიკლ ზონენშეაინმა (Michael Sonnenshein) Squawk Box CNBC-თან ინტერვიუში განაცხადა, რომ აშშ-ს სახელმწიფო ციფრული ვალუტა კრიპტოვალუტის ბაზრით დაინტერესებული საცალო და ინსტიტუციური ინვესტორებისთვის პირობების შექმნას შეუწყობს ხელს.

მან მაგალითად PayPal-ის გადახდის სისტემა მოიყვანა, რომელიც მომხმარებელს ციფრული აქტივებით ვაჭრობას სთავაზობს.

„ჩვენ მართლა ვფიქრობთ, რომ ციფრული დოლარის ან სხვა მთავრობის მიერ მხარდაჭერილი ციფრული აქტივების გამოჩენა ინვესტორებს დეცენტრალიზებულ აპლიკაციებზე დაფიქრებისკენ უბიძგებს. ამიტომ, PayPal-ის მსგავსი კომპანიები თავიანთ ბიზნეს მოდელში დეცენტრალიზებულ პროტოკოლებს უკვე აერთიანებენ.

ჩვენ მიგვაჩნია, რომ ციფრული აქტივების გამოყენების შესწავლა ის ფაქტორია, რომელიც ინვესტორებს ნამდვილად მეტ კომფორტს უქმნის.“

ზონენშაინი არ ეთანხმება იმ აზრს, რომ ცენტრალური ბანკების ციფრულმა ვალუტებმა შესაძლოა PayPal-ს და კრიპტო კომპანიებს ბაზარი წაართვან.

„ისინი კი არ განდევნიან, არამედ რეალურად „ნათელს მოჰფენენ“ ამ ტექნოლოგიის გამოყენებას. კარგი იქნება ბლოკჩეინის ტექნოლოგიის საფუძვლებს გადავხედოთ.

სევე, გავიაზროთ განსხვავება ფედერალურ ვალუტებს, სტეიბლკოინებსა და დეცენტრალიზებულ აქტივებს შორის, როგორიცაა ბიტკოინი.“

მნიშვნელოვანია გვახსოვდეს, რომ კრიპტოვალუტის ეკოსისტემის იდეა უფრო ინკლუზიური და სამართლიანი ფინანსური სისტემის შექმნაა.

ზონენშაინის აზრით, კრიპტოვალუტების მიღება ინვესტორებს მათ მიმართ უფრო დადებითად განაწყობს.

გასული წლის დასაწყისში, ავსტრალიურმა საინვესტიციო ბანკმა Macquarie განაცხადა, რომ სამთავრობო ციფრულმა ვალუტებმა კრიპტოვალუტებთან რბოლა შესაძლოა მაშინ წააგონ, თუ ისინი ელექტრონულ კომერციაში მყარად დამკვიდრდებიან.

წყარო: https://bits.media/