ციფრული ევრო ევროკავშირის გარეთაც პოპულარული იქნება

ციფრული ევრო ევროკავშირის გარეთაც პოპულარული იქნება

 ევროპის ცენტრალური ბანკის პრეზიდენტი მიიჩნევს, რომ საერთაშორისო გადახდების შემთხვევაში ციფრული ევრო მკაცრად უნდა დარეგულირდეს.

კრისტინ ლაგარდის (Christine Lagarde) აზრით,  ციფრულ ევროს აშშ-ს, ევროკავშირსა და სხვა ქვეყნებს შორის გადახდების მნიშვნელოვნად გამარტივება  შეუძლია, „მაგრამ ასეთი მიდგომა შეთანხმებულ მოქმედებას მოითხოვს “. ევროპის ცენტრალური ბანკის  პრეზიდენტი დარწმუნებულია, რომ ციფრული გადახდების ფართოდ გამოყენებისა და ნაღდი ფულის გამოყენების შემცირების ფონზე, ევროკავშირის რეზიდენტები შესაძლოა ევროპის ცენტრალური ბანკის ციფრული ვალუტით დაინტერესდნენ.

მას მიაჩნია, რომ ცენტრალურმა ბანკმა  სახელმწიფო ციფრული ვალუტა ყველა მოქალაქისთვის უსაფრთხო და ხელმისაწვდომი უნდა გახადოს. ECB-ს პრეზიდენტის განცხადებით, სახელმწიფომ ციფრულ ვალუტაზე მუშაობა გრძელდება, თუმცა უკვე ცხადია, რომ  თავიდან მომხმარებელთა წრე შეზღუდული იქნება:

„ცენტრალური ბანკი გარანტიას იძლევა, რომ ეს გადახდები კომერციული მიზნებისთვის არ იქნება გამოყენებული.“

ECB-ის ხელმძღვანელმა ციფრული ევრო ბანკნოტებს შეადარა, რომლებსაც „ნაკლები კონფიდენციალურობა“ აქვთ. ამავე დროს, ლაგარდმა აღნიშნა, რომ სახელმწიფო ციფრული ვალუტის კრიპტოვალუტასთან შედარება შეუძლებელია.

ლაგარდის მტკიცებით, ECB ციფრულ ევროს  მომხმარებლის პირადი მონაცემების  შესაგროვებლად არ გამოიყენებს.

ციფრული ევროს შესახებ კანონპროექტს 2023 წელს განიხილავენ, მისი ამოქმედება კი 2026-2027 წლებში იგეგმება.

ციფრული ევროს დანერგვის საწყის ეტაპზე, სხვადასხვა ქვეყნების ცენტრალურ ბანკებსა და კონტრაგენტებს დიდი ალბათობით,  საერთაშორისო გადახდების საბითუმო სისტემას შესთავაზებენ. მეორე ეტაპზე, მიღებული გამოცდილებიდან გამომდინარე,  ფიზიკური პირების ციფრული ევრო საფულეები გაიხსნება.