ციფრულმა ევრომ კონფიდენციალურობა უნდა უზრუნველყოს

ციფრულმა ევრომ კონფიდენციალურობა უნდა უზრუნველყოს

ციფრული ევროს წარმატება დიდწილად მომხმარებელთა ნდობაზეა დამოკიდებული, რომლის მოპოვებაც ევროჯგუფის წევრების აზრით, კონფიდენციალურობის უზრუნველყოფის გარეშე წარმოუდგენელია.

ევროჯგუფის წევრებმა, რომელშიც  ევროკავშირის ქვეყნების ფინანსთა მინისტრები შედიან, ციფრული ევროს  კონფიდენციალურობისა და გამჭვირვალობის უზრუნველყოფის მოწოდება გააჟღერეს.

ევროკავშირის ციფრული ვალუტის ტესტირება მიმდინარე წელს უნდა დაიწყოს და თუ ევროპის ცენტრალური ბანკი (ECB) საქმის ბოლომდე მიყვანას აპირებს, მას მთელი რიგი პირობების შესრულება მოუწევს.

ევროჯგუფს მიაჩნია, რომ სწორად განსაზღვრული პრიორიტეტებით, ციფრულ ევროს ევროკავშირის დამოუკიდებლობის  გამყარება და კავშირში შემავალი ქვეყნების მოქალაქეებისთვის მეტი შესაძლებლობებისა და თავისუფლების უზრუნველყოფა შეუძლია.

მინისტრებს მიაჩნიათ, რომ მოქალაქეთა კონფიდენციალურობის გარანტიების გარეშე წარმატება ვერ მიიღწევა.

„თუმცა, მიგვაჩნია, რომ ციფრული ევრო სხვა მიზნებსაც უნდა ემსახურებოდეს, როგორიცაა ფულის გათეთრებისა და უკანონო დაფინანსების პრევენცია, სანქციების აღსრულება და გადასახადებისგან თავის არიდება.“-  ნათქვამია ერთობლივ განცხადებაში.

ევროჯგუფმა ასევე ციფრული ვალუტის გარემოზე გავლენისა და ტრადიციულ ფინანსურ სისტემაში მისი როლის საკითხი განიხილა.

მინისტრების აზრით, ყურადღება უნდა მიექცეს, რომ ციფრულმა ევრომ ვერ შეძლოს ნაღდი ფულის ჩანაცვლება, არამედ მის დამატებად იქცეს.

ამ განცხადების საპასუხოდ, ინგლისის ბანკის (BoE) ხელმძღვანელმა ენდრიუ ბეილიმ (Andrew Bailey) განაცხადა, რომ ის ციფრული ფუნტის შემუშავების აუცილებლობას მანამ ვერ ხედავს,

სანამ დიდი ბრიტანეთი იმ მიზნებსა და პრობბლემებზე არ ჩამოაყალიბდება, რომლებიც სახელმწიფო ციფრულმა ვალუტამ (CBDC) უნდა მოაგვაროს.