ციფრულ იუანს უცხოელები ჩინელებზე ხშირად იყენებენ

ოლიმპიადაზე ციფრულ იუანს უცხოელები ჩინელებზე ხშირად იყენებენ

ჩინეთის სახალხო ბანკის (PBoC) ციფრული ვალუტის კვლევის ინსტიტუტის ხელმძღვანელობის განაცხადებით, პეკინის ოლიმპიადაზე ყოველდღიურად 300 000-მდე დოლარის ღირებულების ელექტრონული CNY-ის გადახდები ხორციელდება.

როგორც კვლევითი ინსტიტუტის გენერალურმა დირექტორმა მუ ჩანჩუნმა (Mu Changchun) განაცხადა, უცხოელი ვიზიტორები ციფრულ იუანს უფრო ხშირად იყენებენ, ვიდრე ადგილობრივი მოსახლეობა.

„მაქვს მიახლოვებული წარმოდგენა, რომ ციფრული იუანით ყოველდღიურად ორი ან მეტი მილიონი ტრანზაქცია ხდება, მაგრამ ზუსტი რიცხვები ჯერ არ მაქვს.“- განმარტა  აღმასრულებელმა დირექტორმა.

ჩანგჩუნმა დასძინა, რომ მიუხედავად დასრულებული ტრანზაქციების რაოდენობის შესახებ ზუსტი მონაცემების არარსებობისა, შესამჩნევია, რომ ადგილობრივი მოსახლეობა ტრადიციულ გადახდის სერვისებს ამჯობინებს.

„როგორც ჩანს, ყველა უცხოელი მომხმარებელი აპარატულ საფულეს იყენებს. “- თქვა კვლევითი ინსტიტუტის ხელმძღვანელმა და e-CNY ბარათები იგულისხმა,

რომლებიც საბანკო გადახდის ბარათებს ჰგავს ჩიპისა და მაგნიტური ზოლის გარეშე. პროგრამულ საფულეებს კი, მისი თქმით, ძირითადად ჩინეთიდან ჩამოსული მომხმარებლები იყენებენ.

ოლიმპიადის სტუმრებისა და პერსონალისთვის ციფრულ იუანზე წვდომის უზრუნველსაყოფად, ჩინეთის სახალხო ბანკმა მთავარი შეჯიბრებების გამართვის ადგილებში რამდენიმე კრიპტომატი განათავსა. კრიპტომატის მეშვეობით უცხოური ვალუტის ბანკნოტების ციფრულ ან ფიატურ იუანში კონვერტირებაა შესაძლებელი.

პეკინის ოლიმპიურ თამაშებზე ციფრული იუანის ხელმისაწვდომობამ კიბერუსაფრთხოებასა და მონაცემთა დაცვასთან დაკავშირებით მარეგულირებლებისა და სამართალდამცავი ორგანოების შეშფოთება უკვე გამოიწვია.

შეგახსენებთ, რომ 2022 წლის ზამთრის ოლიმპიურ თამაშებზე ციფრული  იუანით განხორციელებული ტრანზაქციების რაოდენობამ Visa-ს მეშვეობით გადახდების რაოდენობას გადააჭარბა.

ციფრული იუანის საფულის ოფიციალური საპილოტე ვერსია კი გასულ კვირას ადგილობრივ მობილური აპლიკაციების მაღაზიებში  ყველაზე ხშირად ჩამოტვირთული სმარტფონის აპლიკაცია გახდა.

წყარო: https://bits.media/