ცუკერბერგი ბიტკოინის განვითარებაზე უნდა კონცენტრირებულიყო

ცუკერბერგი ბიტკოინის განვითარებაზე უნდა კონცენტრირებულიყო

Block Inc-ის დამფუძნებელმა ჯეკ დორსიმ კომპანია Meta სტეიბლკოინ Diem-ის არშემდგარი ამოქმედების გამო გააკრიტიკა. დორსის აზრით, ტოკენის შემუშავებაზე დახარჯული წლების მიძღვნა ბიტკოინის განვითარებისთვის შეიძლებოდა.

ფინანსური კორპორაცია Silvergate Capital-ისთვის თავისი ინტელექტუალური საკუთრების გაყიდვის შესახებ ინფორმაცია  Diem Association-მა ცოტა ხნის წინ დაადასტურა.

არეგულირებლებთან შექმნილი სირთულეების გამო, ასოციაციამ  Diem stablecoin-ის (ადრე ცნობილი როგორც Libra) ამოქმედებაზე უარი თქვა. 

შექნილი სიტუაციის შესახებ კომენტარი Twitter-ის თანადამფუძნებელმა ჯეკ დორსიმ  ონლაინ კონფერენციაზე გააკეთა, რომელსაც  MicroStrategy-მ უმასპინძლა.

მისი აზრით, მეტამ პროდუქტის განსავითარებლად ხალხის მოზიდვას ზედმეტად დიდი ყურადღება დაუთმო, ხოლო კომპანიის მიდგომა Diem-ის განვითარების მიმართ საკმარისად ღია არ იყო.

დორსიმ სინანული გამოთქვა, რომ მარკ ცუკერბერგმა და Diem-ის განვითარების გუნდმა ახალი სტაბილური კრიპტოვალუტის შესაქმნელად დიდი დრო და ძალისხმევა დახარჯეს.

დორსის აზრით, ეს ძალისხმევა ამაო არ იქნებოდა, Meta ბიტკოინის ეკოსისტემის გაუმჯობესებაზე რომ ყოფილიყო ორიენტირებული.

„დეველოპერები ცდილობდნენ შეექმნათ ვალუტა, რომელიც Facebook-ის კუთვნილება იქნებოდა.

ალბათ ამას კეთილშობილური მიზეზები ჰქონდა. მაგრამ, ეს ასევე Facebook-ის ეკოსისტემაში მეტი ადამიანის ჩართვის მცდელობაზე მეტყველებდა.

მათ ამის გაკეთება ბიტკოინის ღია პროტოკოლისა და სტანდარტის გამოყენების ნაცვლად არჩიეს. ეს რამდენიმე წელი შეიძლებოდა იმისთვის დახარჯულიყო, რომ ბიტკოინი მთელს მსოფლიოში ხალხისთვის უფრო ხელმისაწვდომი ყოფილიყო. ეს  Messenger-ის, Instagram-ისა და WhatsApp-ის პროდუქტებსაც სარგებელს მოუტანდა.“- თქვა დორსიმ.

ჯეკ დორსი ყოველთვის ბიტკოინის დიდი მხარდამჭერი იყო. ის დარწმუნებულია, რომ BTC  აშშ დოლარის სრულფასოვანი შემცვლელი შეიძლება გახდეს და ამ კრიპტოვალუტის ეკოსისტემის გასაუმჯობესებლად აქტიურად მუშაობს.

გასულ შემოდგომაზე დორსიმ Twitter-ის აღმასრულებელი დირექტორის თანამდებობა დატოვა, რათა მთლიანად ბიტკოინის გაუმჯობესებაზე  კონცენტრირებულიყო.

მისმა საგადახდო კომპანია Square-მა სახელი შეიცვალა და Block Inc გახდა. იანვარში ცნობილი გახდა, რომ Block Inc ახალი თაობის ASIC მაინერების  განვითარებას აპირებს.

 ცოტა ხნის წინ დორსიმ ბიტკოინის სამართლებრივი დაცვის ფონდის ამოქმედების გეგმებზე ისაუბრა.

ფონდი   სამართლებრივ მხარდაჭერას ბიტკოინის ქსელის დეველოპერებს გაუწევს, რომლებიც სამართალწარმოების მონაწილეებისულ უფრო ხშირად ხდებიან.

წყარო: https://bits.media/