ჯოზეფ ლუბინი მეტავერსს 1994 წლის ინტერნეტს ადარებს

ჯოზეფ ლუბინი მეტავერსს 1994 წლის ინტერნეტს ადარებს

Ethereum-ის თანადამფუძნებელი და ConsenSys-ის აღმასრულებელი დირექტორი ჯოზეფ ლუბინი დარწმუნებულია, რომ გრძელვადიან პერსპექტივაში მეტასამყარო და Web3 სექტორი ყოველდღიური ცხოვრების განუყოფელი ნაწილი გახდება.

Decrypt-თან ინტერვიუში ჯოზეფ ლუბინმა აღიარა, რომ მიუხედავად Meta-ს მსგავსი სხვადასხვა კომპანიების მეტავერსით დაინტერესებისა, ამ ინდუსტრიას ყველასთვის ხელმისაწვდომი და შეუფერხებლად მოქმედი გასართობი სივრცის სტატუსი ჯერ არ მიუპოვებია.

ამჟამინდელი მეტავერსის დიზაინი ხარვეზებისა და ტექნიკური პრობლემების გამო შესაძლოა არასრულყოფილი იყოს.

თუმცა, მომავალში მეტასამყარო  ინტერნეტის სრულფასოვანი ვერსია გახდება,

რომელიც ვირტუალურ გარემოში სრული ჩაძირვის  ეფექტს უზრუნველყოფს. მეტავერსიები ისეთივე ჩვეულებრივი გახდება, როგორც ელექტრონული ფოსტა, მაგრამ იქამდე ჯერ კიდევ შორსაა, ამბობს ლუბინი.

„მეტავერსიები დღეს ჰგავს ინტერნეტს 1994 წელს. როცა შედიხართ ინტერნეტში, მერე გადიხართ საუზმეზე ან ყავაზე და როცა ბრუნდებით, თქვენი ელფოსტა ჯერ კიდევ იტვირთება.

ახლა, Web3-ში  მომხმარებლის გამოცდილება არც თუ ისე მიმზიდველია, მაგრამ  ამ ინდუსტრიას ხალხის მასა მოაწყდება.“ – განაცხადა ConsenSys-ის ხელმძღვანელმა.

ლუბინის თქმით,  დეველოპერების ამჟამინდელი მცდელობები მეტავერსიები შექმნან, შესაძლოა პირველ ცდაზე სასურველი შედეგით არ დასრულდეს თუმცა, უკვე ჩნდება პლატფორმები,

რომლებიც ვირტუალურ გარემოში ყოფნის ეფექტის შექმნას აადვილებს და ეს ოპტიმიზმის საფუძველს იძლევა.

იმის გათვალისწინებით, რომ ადამიანები ონლაინ დიდ დროს ატარებენ , Web3 სექტორი შეძლებს უზრუნველყოს ინსტრუმენტები,

რომელთა დახმარებითაც ფული, სამუშაო და ადამიანების ნებისმიერი აქტივობა  დამატებით რეალობაში შეიძლება განხორციელდეს, დაასკვნა ლუბინმა.

Alchemy-ის მონაცემების თანახმად, კრიპტოვალუტის ბაზარზე გაჭიანურებული კრიზისის მოუხედავად Web3-ის დეველოპერებმა თავიანთი პროექტების აქტიური განვითარება დაიწყეს.

გარდა ამისა, DappRadar-ის ექსპერტებმა დაადგინეს, რომ ბლოკჩეინისა და მეტავერსის თამაშების დეველოპერებმა მესამე კვარტალში 1.3 მილიარდი დოლარის მოზიდვა შეძლეს.

მათი ახალი მომხმარებლების რაოდენობა იზრდება, რასაც  Meta-ს მეტავერსზე Horizon Worlds-ზე ვერ ვიტყვით.