ჰაკერებმა ვიტალიკ ბუტერინის Twitter-ის ანგარიში გატეხეს
ჰაკერებმა Ethereum-ის თანადამფუძნებლის Twitter-ის ექაუნთი გატეხეს. მათ მომხმარებლები NFT-ს უფასოდ დარიგების საბაბით მიიზიდეს და გაქურდეს. ბოროტმოქმედების მსახვერპლთა ზარალმა უკვე 690,000 დოლარს გადააჭარბა.
ჰაკერებმა ვიტალიკ ბუტერინის სახელით პოსტი გამოაქვეყნეს, რომლითაც მომხმარებლებს შეუცვლელი ტოკენებით დასაჩუქრების აქციაში მონაწილეობის მიღებისკენ მოუწოდებდნენ.
პოსტში ნათქვამი იყო, რომ საჩუქარი პროტო-დენკშარდინგს უკავშირდებოდა, რომელიც განახლება EIP-4844 სახელით არის ცნობილი. პოსტში მითითებული იყო ბმული, რომელზეც მომხმარებელი უნდა გადასულიყო, მიება თავისი საფულე და კუთვნილი NFT მიეღო.
დაზარალებულთა შორის Ethereum-ის დეველოპერი ბოკ ჰოოც (Bok Khoo) აღმოჩნდა, რომელმაც Cryptopunk-ის კოლექციიდან რამდენიმე ტოკენი დაკარგა. მან გამომწერებს მოუწოდა პოსტში მითითებულ ინსტრუქციას არ მიჰყოლოდნენ, რადგან ანგარიში თაღლითების მიერ იყო გატეხილი.
მანამდე, მავნე ტვიტის შესახებ მომხმარებლები ვიტალიკის მამამ, დიმიტრი ბუტერინმა გააფრთხილა და დასძინა, რომ ანგარიშზე წვდომის აღსადგენად მუშაობა უკვე მიმდინარეობს.
ბლოკჩეინის ანალიტიკოსის ინფორმაციით, რომელიც ZachXBT-ის ფსევდონიმით არის ცნობილი, ბოროტმოქმედებმა გულუბრყვილო მომხმარებლების 691,000 დოლარის მითვისება შეძლეს.
მოპარულ კრიპტო აქტივებს შორის Cryptopunk-ის საკოლექციო ტოკენები #3983 და #1751 აღმოჩნდა, რომელთა ღირებულება 153.62 და შესაბამისად 58.18 ETH-ს შეადგენს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)