ჰაკერებმა ინდოეთის პრემიერის ტვიტერი გატეხეს
ჰაკერებმა ინდოეთის პრემიერ მინისტრ ნარენდრა მოდის პირადი Twitter ანგარიში გატეხეს. მისი სახელით ბოროტმოქმედებმა ქვეყანაში ბიტკოინის აღიარების და ამასთან დაკავშირებით 500 BTC-ის დარიგების შესახებ გამოაცხადეს.
პრემიერ-მინისტრის სახელით ჰაკერებმა გავრცელეს ცრუ ინფორმაცია იმის შესახებ, რომ ბიტკოინი ინდოეთში გადახდის საშუალებად აღიარეს და ამასთან დაკავშირებით ინდოეთის მოქალაქეებს შორის 500 BTC-ს დაარიგებდნენ.
ერთ-ერთი პირველი, ვინც ამის იტყობინებოდა იყო Twitter-ის მომხმარებელი მეტსახელად “Priya”. შეტყობინების შინაარსი ასეთი იყო:
„ინდოეთმა ბიტკოინი, კანონიერი გადახდის საშუალებად მიიღო. მთავრობამ 500 BTC ოფიციალურად იყიდა და მას ქვეყნის ყველა მაცხოვრებელს დაურიგებს. დღეს მომავალი დადგა!“
ჰაკერებმა მოქალაქეებს რეგისტრაციისკენ და ბიტკოინების კუთვნილი წილის მიღებისკენ მოუწოდეს. ქვემოთ მითითებული იყო ბმული, რომელსაც მომხმარებელი თაღლითურ საიტზე გადაყავდა. გავრცელებული მესიჯი მალევე წაიშალა გატეხვის ფაქტი კი პრემიერის ოფიციალური ექაუნთით დადასტურდა.
ეს არ იყო ინდოეთის პრემიერ-მინისტრის Twitter-ის ანგარიშის პირველი ფაქტი. პირველად ჰაკერებმა მოდის Twitter-ი ჯერ კიდევ 2020 წლის სექტემბერში გატეხეს.
ნიკით „John Wick“, კიბერკრიმინალებმა პრემიერ მინისტრის ამომრჩეველს COVID-19-თან ბრძოლის ეროვნული დახმარების ფონდისთვის ბიტკოინების გაღება მოუწოდეს.
2020 წელს Twitter ანგარიშების მასიური გატეხვა მოხდა. გატეხეს Binance, CZ (Binance-ის დამფუძნებელი), Coinbase, Gemini, Gate.io, Kucoin ანგარიშები.
ასევე Tron-ის დამფუძნებლის ჯასტინ სანის, პოპულარული ტრეიდერის AngeloBTC-ის, CoinDesk-ის, ბილ გეითსის, ილონ მასკის, მაიკლ ბლუმბერგისა და მრავალი სხვა ცნობილი ადამიანის ანგარიში.
თუმცა, Twitter-ის მომხმარებლებმა ჰაკერს დღის განმავლობაში მხოლოდ 10 BTC გადაურიცხეს. Coinbase-მა და სხვა ბირჟებმა სწრაფად მოახდინეს რეაგირება და ჰაკერებთან დაკავშირებული მისამართები დაბლოკეს.
დამნაშავე თვრამეტი წლის ამერიკელი , სახელად გრემ ივან კლარკი აღმოჩნდა. 2021 წელს მან Twitter-ის ანგარიშების გატეხვის რამდენიმე საქმეში თავი დამნაშავედ ცნო.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)