აშშ-ში ჰეროინის დარეგისტრირება უფრო ადვილია ვიდრე კრიპტოკომპანიის

აშშ-ში ჰეროინის დარეგისტრირება უფრო ადვილია, ვიდრე კრიპტო კომპანიის

იურიდიული ფირმა Hogan & Hogan-ის პარტნიორმა ადვოკატმა  აშშ-ს მარეგულირებლები ქვეყანაში კრიპტოვალუტის კომპანიების რეგისტრაციისთვის  დაბრკოლებების შეგნებულად შექმნაში დაადანაშაულა.

ჯერემი ჰოგანმა (Jeremy Hogan) რომელიც  XRP-ს მფლობელთა ინტერესებს იცავს, ტვიტების სერია გამოაქვეყნა, სადაც აღნიშნავს, რომ შეერთებულ შტატებში კრიპტო ინდუსტრია კრიპტოვალუტების მკაფიო რეგულირების არარსებობას განიცდის, ხელისუფლებას კი ამ კლასის აქტივების შესახებ მცდარი წარმოდგენა აქვს.

ადვოკატის თქმით, აშშ-ს ფედერალურმა ხელისუფლებამ დაიკავა მტკიცე პოზიცია, რომლის მიხედვითაც ციფრული აქტივების ინდუსტრია სავსეა თაღლითებით, რა მიზეზითაც მისი განვითარება უნდა შეჩერდეს.

ადვოკატმა ყურადღება აშშ-ს ფასიანი ქაღალდების და ბირჟების კომისიის (SEC) თავმჯდომარის გარი გენსლერის (Gary Gensler) განცხადებაზე გაამახვილა,

რომელშიც ის კრიპტოვალუტის კომპანიებს მოუწოდებდა, უბრალოდ მისულიყვნენ ოფისში და დარეგისტრირებულიყვნენ.

ჰოგანი დარწმუნებულია, რომ ეს არის ტყუილი და SEC-ის მიერ  ჭკვიანური ხაფანგი კრიპტო აქტივებთან დაკავშირებული მეტი კომპანიის გამოსავლენად.

მისი თქმით, თუ მარეგულირებლები ცდილობენ დაამტკიცონ, რომ შეერთებულ შტატებს რეგულაციების შესაბამისი კრიპტო კომპანიები ნამდვილად სჭირდება, ოფიციალური პირები ამ კომპანიებს კანონების დაცვაში უნდა დაეხმარონ. თუმცა, ინდუსტრიის წარმომადგენლები ამას ვერ ხედავენ, წერს იურისტი.

„აშშ-ში ადგილობრივი შერიფის ოფისში ჰეროინის დარეგისტრირების ბევრად მეტი შანსია, ვიდრე SEC-ში კრიპტოვალუტის პროექტის.“ – ირონიულად ამბობს ჯერემი ჰოგანი.

ინდუსტრიის რეგულირების მკაფიო წესების არარსებობასთან დაკავშირებით, ფასიანი ქაღალდებისა და ბირჟების კომისია მანამდე Ripple-ის იურიდიულმა მრჩეველმა სტიუარტ ალდეროტიმაც (Stuart Alderoty) გააკრიტიკა.

მისი თქმით, ეს  კრიპტოვალუტის კრედიტორებისა და ბირჟების გაკოტრებას აიცილებდა თავიდან და ინვესტორებს ინვესტიციების შენარჩუნების შესაძლებლობა მიეცემოდათ.