ჰილარი კლინტონმა კრიპტო ბირჟები გააკრიტიკა

ჰილარი კლინტონმა კრიპტო ბირჟები გააკრიტიკა

ჰილარი კლინტონმა კრიპტო ბირჟები რუსეთის კრიპტობლოკადის მხარდაჭერაზე უარის თქმის გამო გააკრიტიკა.

აშშ-ს პრეზიდენტობის ყოფილმა კანდიდატმა კრიპტოვალუტის სავაჭრო პლატფორმების პოლიტიკის მიმართ უკმაყოფილება გამოთქვა. 

მან დასავლურ კომპანიებს მოუწოდა კრიპტო აქტივების დახმარებით რუსეთის მიერ სანქციების გვერდის ავლა შეაჩერონ.

ჰილარი კლინტონმა The Rachel Maddow Show-ზე მიცემულ ინტერვიუში განაცხადა, რომ იმედგაცრუებულია ზოგიერთი ბირჟით, რომელიც რუს მომხმარებლებს მათ პლატფორმებზე წვდომას არ უზღუდავს.

„იმედგაცრუებული დავრჩი, როცა დავინახე, რომ ზოგიერთი ე.წ. კრიპტო ბირჟა – არა ყველა, მაგრამ ზოგიერთი – ტრანზაქციების ბლოკირებაზე უარს ამბობს.

ყველამ ყველაფერი უნდა გააკეთოს იმისთვის, რომ რუსეთის ეკონომიკური აქტივობის იზოლირება ახლავე  მოხდეს.“

კლინტონმა დასავლურ კომპანიებს უფრო მკაცრი ზომების მიღებისკენ მოუწოდა, რათა რუსეთმა  კრიპტოვალუტა აშშ-სა და ევროკავშირის სანქციების თავიდან ასაცილებლად არ გამოიყენოს.

„მე ნამდვილად ვფიქრობ, რომ ფინანსთა სამინისტრომ და ევროპელებმა სერიოზულად უნდა განიხილონ,

როგორ შეუშალონ ხელი კრიპტო ბაზრებს სანქციების გვერდის ავლით რუსეთისთვის როგორც სახელმწიფო, ისე კერძო ტრანზაქციების უზრუნველყოფაში.“

კრიპტოვალუტის მსხვილმა ბირჟებმა Coinbase, Binance და Kraken რუსი მომხმარებლების დაბლოკვის მოთხოვნების შესრულებაზე უარი განაცხადეს.

რამდენიმე მილიონი მომხმარებლის დაკარგვა  მათი ეკონომიკისთვის მტკივნეული იქნება.

ბირჟების უმრავლესობამ განაცხადა, რომ სანქციებს იმ შემთხვევაში მიიღებენ, თუ ისინი  ცალკეულ მომხმარებლებზე გავრცელდება. მათ შორისაა სავაჭრო პლატფორმა Whitebit, რომელმაც  სანქცირებულთა სიის გადამოწმების პროცედურები შემოიღო.

„დანერგილია სანქცირებულთა სიების შემოწმების პროცედურები, დაიხურა სავაჭრო საქმიანობა რუსული რუბლით და შეჩერებულია მომხმარებლების რეგისტრაცია რუსეთის ფედერაციიდან და ბელორუსის რესპუბლიკიდან.“

გასულ წელს ჰილარი კლინტონმა განაცხადა, რომ ციფრულმა აქტივებმა შესაძლოა  მრავალი ქვეყნის ეკონომიკა გაანადგურონ. ამ განცხადების გამო, მან  ვაიომინგის სენატორის, სინტია ლამისის (Cynthia Lummis) კრიტიკა დაიმსახურა.

სენატორმა ბიტკოინთან დაკავშირებით ყოფილი სახელმწიფო მდივნის განცხადებები მიუღებლად მიიჩნია, რადგან მისი აზრით, სწორედ ბიტკოინი გადაარჩენს აშშ დოლარს ინფლაციისგან.

2021 წლის ბოლოს ჰილარი კლინტონმა განაცხადა, რომ კრიპტოვალუტის ბაზრებს მეტი რეგულირება სჭირდებათ, რათა აშშ-მ თავი რუსეთის, ჩინეთისა და სხვა ქვეყნების მანიპულაციისგან დაიცვას.