ჰოსკინსონმა კრიპტოვალუტის პირადი დანაკარგები გაასაჯაროვა

ჰოსკინსონმა კრიპტოვალუტის პირადი დანაკარგები გაასაჯაროვა

Cardano-ს დამფუძნებლის ჩარლზ ჰოსკინსონის (Charles Hoskinson) განცხადებით, კრიპტოვალუტის ბაზრის ვარდნის გამო მისი პირადი კრიპტოაქტივების 3 მილიარდ დოლარზე მეტით გაუფასურების მიუხედავად, ის ინდუსტრიის დატოვებას არ გეგმავს.

ჰოსკინსონმა ხაზგასმით აღნიშნა, რომ მისი ფინანსური დანაკარგები მხოლოდ ქაღალდზეა ასახული და მხოლოდ მისი პორტფელის საბაზრო ღირებულების შემცირებას ასახავს. კლების მასშტაბი კი არც კრიპტო ინდუსტრიის შესახებ მის გრძელვადიან ხედვაზე და არც Cardano-ს ეკოსისტემის განვითარების გეგმებზე გავლენას არ ახდენს.

ჰოსკინსონმა ციფრული აქტივების მფლობელებს მოუწოდა, ბაზარზე მზარდი ზეწოლის მიუხედავად, ჩართულობა შეინარჩუნონ. მისი აზრით, ნეგატიური ტენდენცია შესაძლოა შენარჩუნდეს. მან მიმდინარე ეტაპს ინდუსტრიისთვის ბოლო წლებში ერთ-ერთ ყველაზე რთული ეტაპი უწოდა.

Cardano-ს დამფუძნებლის თქმით, მაღალი ვოლატილობა და კლების გაჭიანურებული პერიოდები კრიპტო ბაზრის ციკლური ბუნების განუყოფელი ნაწილია. მან 2026 წელი „გადატვირთვის“ ფაზად შეაფასა, რომლის დროსაც ყურადღება სპეკულაციური მოთხოვნიდან რეალური პროდუქტების შექმნასა და ინფრასტრუქტურის განვითარებაზე გადავა.

ამავდროულად, ჰოსკინსონმა Cardano-ს პერსპექტივებთან დაკავშირებით ფრთხილი ოპტიმიზმი გამოთქვა. ქსელის ძირითად მიმართულებებს შორის მან Hydra-ს მეორე დონის გადაწყვეტილებების მასშტაბირება და კონფიდენციალურობაზე ორიენტირებული საიდჩეინ Midnight-ის შემუშავება გამოყო.

წყარო: https://x.com/IOHK_Charles/status/2019558006258794567