ჰოსკინსონი აშშ-ს ბიუჯეტის აუდიტისთვის თავისი ბლოკჩეინის გამოყენებას სთავაზობს

ჰოსკინსონი აშშ-ს ბიუჯეტის აუდიტისთვის თავისი ბლოკჩეინის გამოყენებას სთავაზობს

კრიპტოპროექტ Cardano-სა და მის უკან მდგომი კომპანია IOG-ის დამფუძნებელმა ჩარლზ ჰოსკინსონმა (Charles Hoskinson)
ამერიკის მთავრობას ფედერალური ბიუჯეტის აუდიტისთვის Cardano-ს ბლოკჩეინის გამოყენება შესთავაზა. ამჟამად აშშ-ს სახელმწიფო ბიუჯეტის მოცულობა 7 ტრილიონ დოლარს აღწევს.

ჰოსკინსონმა Financial Fox-ისთვის მიცელ ინტერვიუში ხარჯების გამჭვირვალობისა და ანგარიშგების კუთხით თავისი ბლოკჩეინის უპირატესობების შესახებ ისაუბრა. ბიზნესმენი დარწმუნებულია, რომ 200-მდე სხვადასხვა უწყებისა და კომისიის მიერ განხორციელებული ტრანზაქციების მასშტაბის გათვალისწინებით, ფინანსური ზედამხედველობის ტრადიციული მექანიზმები საკმარისი არ არის.

„7 ტრილიონი დოლარის არსებული ბიუჯეტისა და მილიარდობით ტრანზაქციების პირობებში, ვერავინ შეძლებს ყველაფრის გაანალიზებას. ამას მთელი სიცოცხლე დასჭირდება. მაგრამ თუ ხარჯები სწორად სტრუქტურირებული და გამჭვირვალეა, და თუ მათი ხელოვნური ინტელექტის გამოყენებით გადამოწმება შესაძლებელია , ამ მონაცემების ნდობა შეიძლება“, – თქვა ჰოსკინსონმა.

ფედერალური ხარჯების ეფექტურობის გასაუმჯობესებლად, პრეზიდენტ დონალდ ტრამპის ბრძანებით, ილონ მასკმა სამთავრობო ხარჯების დეპარტამენტი (DOGE) შექმნა. ჰოსკინსონმა ხაზი ფინანსური აუდიტის ჩატარების დროს კონფიდენციალურობის შენარჩუნების მნიშვნელობას გაუსვა და ამასთან დაკავშირებით Cardano-ს საიდჩეინი Midnight ახსენა.

ბიზნესმენის თქმით, Cardano-სა და Midnight-ის გამოყენება ფინანსური შემოწმების უსაფრთხოებას გაზრდის. ჰოსკინსონმა გამოთქვა სურვილი, DOGE-ს დეპარტამენტს კარდანოს ბლოკჩეინის ინფრასტრუქტურა უფასოდ მიაწოდოს.

გასულ წელს ჰოსკინსონმა აშშ-ს მთავრობას გაყალბების მცდელობების აღსაკვეთად, Cardano-ს ბლოკჩეინის გამოყენება საპრეზიდენტო არჩევნებში ხმების გამჭვირვალედ დასათვლელად შესთავაზა.
ჰოსკინსონმა თავისი ბლოკჩეინი შეაქო და თქვა, რომ მისი კონკურენტი Solana-სგან განსხვავებით, უფრო მეტ ტრანზაქცასთან გამკლავება შეუძლია.