ჰოსკინსონმა მასკს დეცენტრალიზებული ქსელის შექმა შესთავაზა

ჰოსკინსონმა  მასკს დეცენტრალიზებული ქსელის შექმა შესთავაზა

Tesla-სა და SpaceX-ის აღმასრულებელი დირექტორი ილონ მასკი Twitter-ის ყიდვას  აპირებს. იმ შემთხვევაში თუ Twitter გარიგებაზე უარს იტყვის, ჩარლზ ჰოსკინსონმა მასკს  დეცენტრალიზებული სოციალური ქსელის შესაქმნელად ძალების გაერთიანება შესთავაზა. 

მარტში ილონ მასკმა თავის გამომწერებს შორის გამოკითხვა ჩაატარა, იმასთან დაკავშირებით, ღირს თუ არა ისეთი პლატფორმის შექმნა, რომელსაც ღია საწყისი კოდი ექნება და რომელიც მხარს  დემოკრატიისა და სიტყვის თავისუფლების პრინციპებს დაუჭერს.

გამოკითხვის მონაწილეთა დიდმა ნაწილმა  მის იდეას მხარი დაუჭირა, ზოგმა მომხმარებელმა კი DOGE-ს მხარდაჭერის დამატება შესთავაზა.

მასკმა ცოტა ხნის წინ განაცხადა, რომ მზად არის სოციალური ქსელი Twitter-ის ყველა აქცია 43 მილიარდ დოლარად შეიძინოს, რათა „მისი ნამდვილი პოტენციალი გამოავლინოს“.

მილიარდერი დარწმუნებულია, რომ ახლანდელ მდგომარეობაში პლატფორმა თავის სოციალურ მიზნებს ვერ მიაღწევს.

IOHK-ის აღმასრულებელმა დირექტორმა, ჩარლზ ჰოსკინსონმა (Charles Hoskinson) შექმნილ სიტუაციაზე კომენტარი გააკეთა.  ჰოსკინსონმა მასკს მისწერა, რომ თუ Twitter-ი  გარიგებაზე უარს იტყვის, ის მზად იარის მასთან ერთად დეცენტრალიზებული სოციალური პლატფორმის შექმნაზე  იმუშაოს. 

Cardano-ს დამფუძნებელის მხრიდან მასკთან პარტნიორობით დაინტერესება გასაკვირი არ არის,  რადგან ამ შემთხვევაში პლატფორმას არა მხოლოდ DOGE-ს, არამედ ADA-ს მხარდაჭერაც ექნება.

MicroStrategy-ის აღმასრულებელი დირექტორი და დამფუძნებელი მაიკლ სეილორი (Michael Saylor)  Twitter-ის ყიდვის შესახებ მასკის შეთავაზებას ასევე გამოეხმაურა.

შეთავაზების უარყოფის შემთხვევაში, სეილორმა მასკს ბიტკოინის ყიდვა ურჩია.

ის დარწმუნებულია, რომ მომავალში ბიტკოინის კურსი მხოლოდ გაიზრდება. რადგან, პირველი კრიპტოვალუტის, როგორც ახალი აქტივების კლასის სულ უფრო მეტ ადამიანს სჯერა.

„თუ მთელ Twitter-ს ვერ იყიდი, ყოველთვის არის შესაძლებლობა ცოტაოდენი ბიტკოინი იყიდო“- დაწერა სეილორმა.

წლის დასაწყისში მასკმა Twitter-ი NFT-ს მხარდაჭერისთვის გააკრიტიკა.  მისი თქმით, კომპანია  თავის რესურსებს არასწორად ანაწილებს და ყურადღებას „არასწორ საკითხებზე“ამახვილებს.

გარდა ამისა, მასკი საკმაოდ სკეპტიკურად არის განწყობილი Web3-ისა და მეტავერსიის მიმართ და მათ რეალობას აცდენილ ფენომენს უწოდებს.