17-მა კომპანიამ კრიპტობაზრის განვითარებისთვის ალიანსი შექმნა

17-მა კომპანიამ  კრიპტობაზრის განვითარებისთვის ალიანსი შექმნა

Solidus Labs-მა, 16 კრიპტოვალუტის კომპანიასთან და ბირჟასთან ერთად, ჩამოაყალიბა კოალიცია, რომლის მთავარი ამოცანა ინდუსტრიის მიმართ მთავრობებისა და საზოგადოების ნდობის დამყარება იქნება.

რისკების მონიტორინგის პროგრამული უზრუნველყოფის დეველოპერმა კომპანიამ Solidus Labs  კოალიცია Crypto Market Integrity Coalition-ის (CMIC) შექმნა გამოაცხადა.

ალიანსის წევრები არიან სავაჭრო პლატფორმები Coinbase, Bitstamp და BitMEX. ასევე Circle Internet Financial, GSR, Huobi Tech, Anchorage Digital, CrossTower, Securrency, Elwood Technologies, CryptoCompare, MV Index Solutions, Global Digital Finance, Liberty City Vens. აგრეთვე ასოციაციები The Chamber of Digital Commerce და CryptoUK.

ალიანსის შექმნის მთავარ მიზეზად   ციფრული აქტივების ბაზრის განვითარებით აშშ-ს მარეგულირებლების შეშფოთება და ამერიკელი ინვესტორების კრიპტოვალუტის ETF-ების მეშვეობით ბიტკოინზე წვდომის მიღების სურვილი სახელდება.

აშშ-ს ფასიანი ქაღალდებისა და ბირჟების კომისიამ (SEC) არაერთხელ უარყო იმ კომპანიების განაცხადები, რომლებმაც ბიტკოინთან დაკავშირებული სავაჭრო ფონდების შექმნა სურდათ.

დეპარტამენტი თავის ქმედებებს იმით ხსნის, რომ ეს ახალი საინვესტიციო პროდუქტები ბაზრის მანიპულაციებისთვის ნაყოფიერ ნიადაგს შექმნიან.

„თუ მარეგულირებლებს ინდუსტრიის ზედამხედველობისთვის კონკრეტული წესების შემუშავება უჭირთ, მათ თავად უნდა შექმნან ორგანიზაცია, რომელიც ყურადღებას  სისტემის მოწესრიგებაზე გაამახვილებს.

ეს ციფრული აქტივების ბაზარზე მანიპულირების თავიდან აცილებას შეუწყობს ხელს.” – თქვა კეტლინ კრანინგერმ (Kathleen Kraninger), აშშ-ს მომხმარებელთა ფინანსური დაცვის ბიუროს ყოფილმა დირექტორმა, ამჟამად Solidus Labs-ის რეგულირების საკითხთა ვიცე-პრეზიდენტმა.

Circle Internet Financial-ის საერთაშორისო პოლიტიკის განვითარების ხელმძღვანელის, დანტე დისპარტეს(Dante Disparte) 

 განცხადებით CMIC იმ სტანდარტების დადგენას დაეხმარება , რომლებიც კრიპტოვალუტების რეგულირებასა და მომხმარებლების ინტერესების დაცვას შორის „ოქროს შუალედი“ იქნება.

დისპარტეს აზრით, ეს შექმნის ინფრასტრუქტურას, რომელიც ციფრულ აქტივებზე წვდომას ნებისმიერი მსურველისთვის უზრუნველყოფს.

CMIC-ის მონაწილეები კრიპტოვალუტის ბირჟებსა და კომპანიებს შორის მონაცემთა გაცვლის გამჭვირვალობაზე მუშაობას აპირებენ.

 მთავარი მიზანი კრიპტოვალუტების მიმართ მთავრობების და საზოგადოების ნდობის დამყარება იქნება, აცხადებენ ალიანსის მონაწილეები.

შეგახსენებთ, რომ 2020 წელს Polkadot-ის ქსელმა და Oracle-ის პროვაიდერმა Chainlink-მა  დეცენტრალიზებული ფინანსური ინდუსტრიის განვითარებისთვის ძალები გააერთიანა.

იმავე წელს Microsoft-მა, IBM-მა და Hyperledger-მა ტოკენიზებული ეკოსისტემებისთვის  საერთაშორისო სტანდარტების შესაქმნელად არაკომერციული ორგანიზაცია InterWork Alliance  ჩამოაყალიბეს.

წყარო: https://bits.media/