180 მილიონი გირვანქა სტერლინგის კრიპტოვალუტების კონფისკაცია

(დაახლოებით 250 მილიონი აშშ დოლარი) კრიპტოვალუტების კონფისკაცია
მოახდინა. ეს ბრიტანეთის ისტორიაში მსგავსი ტიპის ყველაზე დიდი და მსოფლიოში
ერთ-ერთი ყველაზე მასშტაბური კონფისკაცია იყო. 

ლონდონის პოლიციის საიტზე გამოქვეყნებული განცხადების თანახმად, 180 მილიონი
გირვანქა სტერლინგის ღირებულების კრიპტოვალუტების ჩამორთმევით სამართალდამცავებმა
კიდევ ერთი რეკორდი დაამყარეს. პირველად რეკორდული ღირებულების კრიპტოვალუტების
კონფისკაცია რამდენიმე კვირის წინ მოხდა. 24 ივნისს პოლიციამ 114 მილიონი გირვანქა სტერლინგის (დაახლოებით 158 მილიონი დოლარი) კრიპტოვალუტების კონფისკაცია მოახდინა. კონფისკაცია
უკანონო აქტივების გადაცემის შესახებ საგამოძიებო ინფორმაციის საფუძველზე  ეკონომიკურ
დანაშაულებათა წინააღმდეგ ბრძოლის სამმართველოს დეტექტივის მიერ განხორციელდა.
პოლიცია ფულის გათეთრების საერთაშორისო გამოძიების ფარგლებში მოქმედებდა.

სამართალდამცავების ინფორმაციით, 24 ივნისს ფულის გათეთრების ბრალდებით 39 წლის
ეჭვმიტანილი ქალის დააკავება მოხდა, რომელიც მალევე გირაოთი გაათავისუფლეს. 10
ივლისის დაკითხვის შედეგად ქალი კვლავ დააკავეს და 180 მილიონი ფუნტი სტერლინგის
ღირებულების კრიპტოვალუტების კონფისკაცია მოახდინეს. ამჟამად გამოძიება გრძელდება. 

„ერთი თვის წინ ჩვენ წარმატებით მოვახდინეთ 114 მილიონი გირვანქა სტერლინგის კრიპტოვალუტების კონფისკაცია. მას მერე გამოძიება უფრო რთული და მრავალმხრივი გახდა. ჩვენ ბევრი ვიმუშავეთ იმისთვის, რომ ამ ფულის კვალისთვის მიგვეკვლია და გამოგვევლინა დამნაშავეები, რომლებსაც მასთან კავშირი ჰქონდათ. დღევანდელი დაპატიმრება გამოძიების კიდევ ერთი მნიშვნელოვანი ეტაპია. გამოძიება კიდევ რამდენიმე თვე გაგრძელდება მანამ, სანამ ფულის გათეთრების ამ ოპერაციის ცენტრალური ფიგურების იდენტიფიცირებას არ მოვახდენთ“- განაცხადა კრიმინალური პოლიციის კონსტებლმა, ჯო რაიანმა (Joe Ryan) .

კრიმინალური საქმიანობით მიღებული თანხების გათეთრება სხვადასხვა მეთოდებით ხდება. კრიმინალები ნაღდ ფულს კვლავაც  უპირატესობას ანიჭებენ, თუმცა ციფრული პლატფორმების განვითარებასთან ერთად პოლოცია სულ უფრო ხშირად აწყდება ორგანიზებულ დამნაშავეებს, რომლებიც ფულის გათეთრებისთვის კრიპტოვალუტებს იყენებენ.

„თუ რამდენიმე წლის წინ ეს ტერიტორია აუთვისებელი იყო, ახლა ჩვენ უკვე გვყავს კარგად მომზადებული ოფიცრები და სპეციალიზირებული ქვედანაყოფები, რომლებიც ამ სფეროში გულმოდგინედ მუშაობენ იმისთვის, რომ ერთი ნაბიჯით წინ იყვნენ მათზე, ვინც კრიპტოვალუტებს უკანონო მიზნებისთვის იყენებს.“- აღნიშნა კომისრის თანაშემწის მოადგილემ გრემ მაკნალტიმ (Graham McNulty).

წყარო: https://bits.media