2,4 მილიარდი კრიპტოკომპანიებთან საბრძოლველად
აშშ-ს ფასიანი ქაღალდებისა და ბირჟების კომისიის (SEC) თავმჯდომარემ დეპუტატებთან ერთად მისი უწყებისთვის გამოყოფილი 2,4 მილიარდი დოლარის ბიუჯეტი განიხილა.
ფინანსური მომსახურების წარმომადგენელთა პალატის კომიტეტის წინაშე გამოსვლისას, გერი გენსლერმა (Gary Gensler) განაცხადა, რომ SEC-ს ახალი გამოწვევების დასაძლევად მეტი რესურსები სჭირდება.
მისი თქმით, კომისია მომხმარებლების, მათ შორის კრიპტოვალუტის ინვესტორების დაცვაში მნიშვნელოვან როლს ასრულებს.
გენსლერმა სპეკულაციური აქტივების სიჭარბითა და წესების შეუსრულებლობით გამორჩეული კრიპტო ბაზარი „ველურ დასავლეთს“ შეადარა. მან ცვალებად ტექნოლოგიებთან ადაპტირებისა და ბოროტმოქმედთა ახალ ხრიკებთან ბრძოლისთვის აუცილებლობად გაუმჯობესებული ინსტრუმენტების შექმნა მიიჩნია.
გასულ კვირას კომიტეტმა SEC-ისთვის 2,4 მილიარდი დოლარის ბიუჯეტი იმ პირობით დაამტკიცა, რომ დეპარტამენტის დაკომპლექტება უცვლელი დარჩება – იგივე, რაც ბოლო შვიდი წლის განმავლობაში იყო. გენსლერის თქმით, გამოყოფილი თანხები ინფლაციის გათვალისწინებით, პერსონალის მხარდაჭერისთვის იქნება გამოყენებული.
SEC-ის თავმჯდომარემ დასძინა, რომ უწყების აღსრულების დეპარტამენტი ბოლო დროს კრიპტო კომპანიების მხრიდან უამრავ პრეტენზიას აწყდება.
ამიტომ, გარკვეული თანხები ამ დეპარტამენტის მხარდაჭერას მოხმარდება.
ცოტა ხნის წინ მარეგულირებელმა Ripple-ის წინააღმდეგ საქმეში ნაწილობრივი გამარჯვება იზეიმა. სასამართლომ აღიარა, რომ XRP მონეტები შეიძლება ფასიან ქაღალდებად ჩაითვალოს, თუ მათი მიყიდვა ინსტიტუციური ინვესტორებისთვის მოხდება.
თუმცა, ეს კლასიფიკაცია მეორად ბაზარზე არ ვრცელდება. რამდენიმე დღის წინ საქმე საერთაშორისო მოსამართლეს გადაეცა.
ცოტა ხნის წინ SEC-მა BlackRock-ისა და Valkyrie-სგან სპოტ კრიპტოვალუტის ETF-ების გაშვებაზე განაცხადები მიიღო.
თუმცა, ბაზრით მანიპულირებისთვის ხელსაყრელი გარემოს შექმნის შიშით, SEC ასეთი საინვესტიციო პროდუქტების მიმართ კრიტიკულად არის განწყობილი.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)