20 წელიწადში ბიტკოინი 13 მილიონი ეღირება
კომპანია Strategy-ის აღმასრულებელმა დირექტორმა მაიკლ სეილორმა (Michael Saylor) ბიტკოინი ტრადიციულ აქტივებს შეადარა და მომდევნო 20 წლის განმავლობაში ბიტკოინის ფასის შესახებ პროგნოზი გააკეთა.
Digital Asset Summit-ზე გამოსვლისას სეილორმა აღნიშნა, რომ ბიტკოინი დეფიციტური ციფრული აქტივია, რომელსაც რეალური კონკურენტი არ ჰყავს. სეილორის აზრით, 21 მილიონი მონეტის შეზღუდული მიწოდება პირველ კრიპტოვალუტას, როგორც დაგროვების საშუალებას ოქროსა და ნავთობთან უპირატესობას ანიჭებს. ამ ტრადიციულ აქტივებზე მოთხოვნის ზრდასთან ერთად მათი დიდი რაოდენობით წარმოებაა შესაძლებელი.
Strategy-ს ხელმძღვანელმა განმარტა, რომ ყველა სხვა პროდუქტის წარმოება ტექნოლოგიების, კაპიტალისა და უნარების მეშვეობითაა შესაძლებელი. მაგრამ, თუ ნავთობის ფასი ბარელზე 1000 დოლარამდე გაიზრდება მისი მოპოვების მიზნით უფრო ძვირადღირებული მეთოდების გამოყენება მოხდება. იგივე ეხება ოქროსაც, რომელიც ჰიპერინფლაციას არაერთხელ დაექვემდებარა.
„შემიძლია დარწმუნებით ვიწინასწარმეტყველო, რომ ბიტკოინი 20 წელიწადში 13 მილიონი დოლარი ეღირება. იგივე ვერ ითქმის ტრადიციულ ინვესტიციებსა და ფასიან ქაღალდებზე.“ – განაცხადა სეილორმა.
ინვესტორმა მხარი დაუჭირა აშშ-ს მთავრობის მიერ გაჟღერებულ ბიტკოინის სახელმწიფო რეზერვში შეტანის იდეას, რომლის განსახორციელებლად შესაბამის განკარგულებას აშშ-ს პრეზიდენტმა დონალდ ტრამპმა ხელი უკვე მოაწერა. სეილორმა კრიპტოვალუტების საკითხებში პრეზიდენტ ტრამპის მრჩევლის დევიდ საქსის (David Sacks) ციტირება მოახდინა და ბიტკოინს უწოდა აქტივი, რომელსაც არ ჰყავს ემიტენტი. სეილორის თქმით, ბიტკოინი არ არის მხოლოდ პროტოკოლი, არამედ იდეოლოგია, რომელმაც გლობალურ ფინანსურ სექტორში მნიშვნელოვანი როლი შეასრულა.
მაიკლ სეილორმა ცოტა ხნის წინ ბიტკოინი „ციფრულ მიწას“ შეადარა, რომლის დაპყრობა აშშ-მა უცხოელ კონკურენტებს უნდა დაასწროს. მანამდე სეილორმა აშშ-ს მთავრობას სახელმწიფო საფულეებში BTC-ის მოცულობის გაზრდა 4-6 მილიონ მონეტამდე ურჩია.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)