2021-ში კრიპტოვალუტებით 8,6 მილიარდი დოლარი გაათეთრეს

2021-ში კრიპტოვალუტებით 8,6 მილიარდი დოლარი გაათეთრეს

ანალიტიკური კომპანიის Chainalysis თანახმად,  გასულ წელს კრიმინალებმა კრიპტოვალუტების გამოყენებით 8,6 მილიარდი დოლარის უკანონოდ მოპოვებული თანხები გაათეთრეს. ზრდამ 2020 წელთან შედარებით 25% შეადგინა.

ანგარიშში აღნიშნულია, რომ წინა წელთან შედარებით 25%-იანი ზრდის მიუხედავად, გათეთრებული ფულის მოცულობამ რეკორდულ მაჩვენებელს მაინც ვერ მიაღწია .

2019 წელს კიბერკრიმინალებმა კრიპტოვალუტები 10,9 მილიარდი დოლარის გასათეთრებლად გამოიყენეს.

2017 წლიდან დღემდე ციფრული აქტივების გამოყენებით სულ 33,4 მილიარდი დოლარის გათეთრება მოხდა.

2021-ში კრიპტოვალუტებით 8,6 მილიარდი დოლარი გაათეთრეს

ერთის მხრივ, 8,6 მილიარდი დოლარის თანხა საკმაოდ შთამბეჭდავად გამოიყურება.

მეორეს მხრივ კი, ფიატური ვალუტების მეშვეობით ყოველწლიურად დაახლოებით 2 ტრილიონი დოლარის გათეთრება ხდება.

ეს  მთლიანი კრიპტოვალუტის ბაზრის კაპიტალიზაციას უტოლდება  და  ციფრული აქტივების ფასების ბოლოდროინდელი ვარდნის ფონზე აჭარბებს კიდეც. ამასთან, კრიმინალების მიერ კრიპტოვალუტების გამოყენების გამოვლენა კიდევ უფრო გაადვილდა.

„ ძირითადი განსხვავება ფიატური ფულის გათეთრებასა  და კრიპტოვალუტების გათეთრებას შორის  ის არის , რომ ბლოკჩეინის გამჭვირვალობის წყალობით, ჩვენ უფრო მარტივად შეგვიძლია თვალყური ვადევნოთ კრიმინალებს , რომლებსაც კრიპტოვალუტების ფიატურ ფულში გადაყვანის მიზნით სახსრები საფულიდან საფულეში გადააქვთ.“ – ნათქვამია მოხსენებაში. 

ანალიტიკოსები აღნიშნავენ, რომ კრიპტოვალუტების გამოყენებით ფულის გათეთრებას ძირითადად „ციფრული კრიმინალები“ახდენენ  – ადამიანები, რომლებმაც თავდაპირველად მოიპარეს კრიპტო აქტივები ან კანონის გვერდის ავლით სხვაგვარად მოიპოვეს.

საინტერესოა, რომ ფულის გათეთრებისთვის DeFi პროტოკოლების გამოყენება მნიშვნელოვნად გაიზარდა.

თუ 2020 წელს გათეთრებული თანხების საერთო მოცულობიდან DeFi აპლიკაციების წილი  2%-ს შეადგენდა, 2021 წელს ის 17%-მდე გაიზარდა.

ამ ფონზე, ცენტრალიზებული ბირჟების გამოყენება ბევრად უფრო იშვიათად ხდება – შემთხვევების 47% -ში.

ამასთან, ფულის გათეთრებისთვის DeFi პროტოკოლებს ძირითადად  ჰაკერული ჯგუფები იყენებენ,  თაღლითები კი  ფულის გათეთრებას ცენტრალიზებული ბირჟების გამოყენებით აგრძელებენ.

წყარო: https://bits.media/