2021-ში Ethereum-ის ქსელში 18.360000 მისამართი დარეგისტრირდა

2021-ში Ethereum-ის ქსელში 18.360000 მისამართი დარეგისტრირდა 

ბლოკჩეინის ანალიტიკური სერვისის IntoTheBlock ცნობით, 2021 წელს Ethereum-ის ქსელში დადებითი ბალანსის მქონე  18,36 მილიონი ახალი მისამართი დარეგისტრირდა.

როგორც ანალიტიკოსები აღნიშნავენ, ამჟამად ირიცხება 70,4 მილიონი მისამართი, რომელთა ანგარიშზეც ETH ინახება. რაც იმას ნიშნავს, რომ 2021 წლის მანძილზე ეს მაჩვენებელი ერთი მესამედით გაიზარდა.

Ethereum-ის ქსელში ყოველთვიურად დაახლოებით 1,53 მილიონი საფულე რეგისტრირდებოდა. 

ახალი მისამართების რეგისტრაციის ზრდის ერთ-ერთი მთავარი მამოძრავებელი ფაქტორი დეცენტრალიზებული ფინანსების (DeFi) აპლიკაციები იყო.

საინტერესოა, რომ წარმოდგენილი გრაფიკის მიხედვით, მეორე კრიპტოვალუტის ქსელში მისამართების რაოდენობა საკმაოდ თანაბრად და გეგმაზომიარად იზრდება და ETH ფასის ინდიკატორებზე არ არის დამოკიდებული.

„მიუხედავად იმისა, რომ დადებითი ბალანსის მქონე მისამართების რაოდენობა მომხმარებელთა რეალური რაოდენობის შესახებ ზუსტ მონაცემებს არ იძლევა,

რადგან მომხმარებლებს შეუძლიათ 1-ზე მეტი მისამართი ჰქონდეთ, ეს ქსელის ზრდის ტემპის კარგი მაჩვენებელია.“- წერენ ანალიტიკოსები.

თუმცა, სხვა მაჩვენებლები ნაკლებად პოზიტიურია. მაგალითად, 2021 წლის 1 იანვარს Ethereum-ის ქსელში 1.05% აქტიური მისამართი იყო, აპრილის ბოლოს მათი წილი  1.66%-მდე გაიზარდა, ხოლო 2022 წლის 15 თებერვალს კი 0.86%-მდე შემცირდა.

კლებულობს საფულეებში 1000 ETH-ზე მეტის შემნახველი „ვეშაპების“ რიცხვიც – 13 თებერვალს ასეთი 6226 მისამართი  დაფიქსირდა. ეს 4 წლის მანძილზე მინიმალური მაჩვენებელია.

მიუხედავად ამისა, Ethereum-ი DeFi პროექტებისთვის  წამყვან ბლოკჩეინად რჩება. Defi Llama-ს მონაცემებით, Ethereum-ის ქსელის DeFi პროექტებში ბლოკირებული აქტივების მოცულობა $124,24 მილიარდია. მეორე ადგილზეა Terra-ს ქსელი $15,04 მილიარდით.

მანამდე გავრცელდა ინფორმაცია, რომ Ethereum ქსელში ტრანზაქციების რაოდენობის შემცირებამ და ETH-ის გაცვლითი კურსის დაცემამ საკომისიოების 2021 წლის სექტემბრის მაჩვენებლამდე შემცირება განაპირობა.

წყრო: https://bits.media/