2030-ში კრიპტოვალუტის მომხმარებელთა რიცხვი მილიარდს მიაღწევს
კომპანიებმა Boston Consulting Group,Bitget-მა და Foresight Ventures-მა გამოაქვეყნეს ერთობლივი კვლევა, რომლის პროგნოზით კრიპტოვალუტის მომხმარებელთა რაოდენობა 2030 წლისთვის 1 მილიარდს მიაღწევს.
კომპანიების მონაცემებით, ამჟამად კერძო ინვესტორების მხრიდან კრიპტოვალუტების ათვისება საკმაოდ დაბალია – ციფრულ აქტივებში ინვესტიციები მათი საერთო კაპიტალის მხოლოდ 0.3%-ს შეადგენს.
შედარებისთვის, აქციებზე კერძო ინვესტორთა ინვესტიციების დაახლობით მეოთხედი მოდის. ამასთან, ნვესტიციების მოცულობა გეოგრაფიულად მნიშვნელოვნად განსხვავდება.
მაგალითად, ჩრდილოეთ ამერიკაში კრიპტოვალუტის მომხმარებელთა საშუალო ინვესტიცია 18000$-ია, აფრიკის ქვეყნებში კი მხოლოდ 190$.
2030-ში კრიპტოს მომხმარებელთა რიცხვი მილიარდს მიაღწევს
მკვლევარების თქმით, ციფრული აქტივების მომხმარებელთა საერთო რაოდენობა, მსოფლიოს მოსახლეობის 4%-ს შეადგენს.
ინსტიტუციონალურ ინვესტორებს შორის კრიპტოვალუტის მიმღებლობის მაჩვენებელი კიდევ უფრო დაბალია – სულ რაღაც 2%. ხოლო კრიპტოვალუტებში განხორციელებული ინვესტიციების ოდენობა მათი კაპიტალის 0,1%-ზე ნაკლებია.
თუმცა, ანალიტიკოსები მიიჩნევენ, რომ „ინდუსტრიას უზარმაზარი ზრდა ელოდება.“
მკვლევარებმა კრიპტოვალუტების მიღმღებლობის მაჩვენებელი ინტერნეტის განვითარების ტემპს შეადარეს. აღმოჩნდა, რომ ციფრული აქტივების მომხმარებელთა რიცხვი ბევრად უფრო სწრაფი ტემპით იზრდება და 2030 წლისთვის 1 მილიარდ ადამიანს უნდა მიაღწიოს.
მათ ასევე ბოლო ორი წლის განმავლობაში კრიპტოვალუტით ვაჭრობის მოცულობის მნიშვნელოვან ზრდას გაუსვეს ხაზი. მაგალითად, კრიპტო პლატფორმებზე მაჩვენებელი 2022 წლის პირველ კვარტალში 2020 წლის პირველ კვარტალთან შედარებით 7-ჯერ გაიზარდა. კრიპტოვალუტის დერივატივების ბაზარზე კი ვაჭრობის მოცულობა იმავე პერიოდში 12-ჯერ არის გაზრდილი.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)