იანვარში ბიტკოინის უნიკალური აქტიური მისამართების რაოდენობამ 22.3 მილიონს მიაღწია ქსელური აქტივობისა და პირველი კრიპტოვალუტის კურსის ზრდის ფონზე, რომელიც 42000$-ს გაუტოლდა.
Glassnode-ის მონაცემებით, იანვარში ბიტკოინის აქტიური მისამართების რაოდენობამ რეკორდულ მაჩვენებელს მიაღწია:
„იანვარში ქსელში 22.3 მილიონზე მეტი უნიკალური მისამართი იყო აქტიური, რომლებიც BTC -ს გზავნიდნენ ან იღებდნენ. ეს დღემდე ყველაზე მაღალი თვიური მაჩვენებელია ბიტკოინის ისტორიაში.“
იანვრის აქტიურობის პიკი აღემატება წინა რეკორდს, რომელიც 2017 წელს დაფიქსირდა და 21 მილიონ აქტიურ მისამართს მოიცავდა. 2017-დან მოყოლებული, ბიტკოინის უნიკალური აქტიური მისამართების თვიური მაჩვენებელი არ ჩამოსულა 10 მილიონზე დაბლა.
ანალიტიკოსებმა ასევე აღნიშნეს, რომ უნიკალური მისამართების საპირისპიროდ, ქსელში იკლო აქტიური ე.წ „ორგანიზებული მისამართების“ რაოდენობამ. Glassnode-ის განმარტებით ეს არის „მისამართების კლასტერები, რომლებიც კონტროლდება ერთი და იგივე მომხმარებლის მიერ“.
გასულ თვეში ბიტკოინის სავაჭრო მოცულობა რეკორდულად გაიზარდა. 8 იანვარს ფასმა პირველად გადააჭარბა 41000$-ს. თვის ბოლოს კურსმა ხანმოკლე დაღმასვლა განიცადა და 28000$-მდე დაეცა. ბოლო მონაცემებით ბიტკოინის ფასი 34132$-ია.
იანვარში ბიტკოინმა ისეთივე ვოლატილობა აჩვენა როგორიც 2020 წლის მარტში, როდესაც პანდემიის დასაწყისში ყველა ბაზარი ჩამოიქცა. მანამდე ვოლატილობა მაქსიმალურ დონეს „ხარის ბაზრის“ პერიოდებში აღწევდა.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)