by Giorgi 
48 ქვეყანა კრიპტო ტრანზაქციების შესახებ მონაცემებს შეაგროვებს
2026 წელს 48 ქვეყნის კრიპტოვალუტის სერვისებს კრიპტო ტრანზაქციების შესახებ ინფორმაციის შეგროვების ვალდებულება ექნებათ.
ეკონომიკური თანამშრომლობისა და განვითარების ორგანიზაციის (OECD) წევრი სახელმწიფოები ამ მონაცემების გაზიარებას საგადასახადო შემოსავლების გაზრდისა და OECD-ის მიერ შემუშავებული სტანდარტის, საერთაშორისო გაცვლითი კურსების კარნეტის (CARF) დაცვის მიზნით აპირებენ.
კრიპტო აქტივების საგადასახადო ანგარიშგების ჩარჩო (CARF) ვირტუალური აქტივების მომსახურების მიმწოდებლებს – ბირჟებს, კასტოდიალურ სერვისებს, კრიპტო საფულეებს, კრიპტო ბანკომატებს თუ ბროკერებს – ავალდებულებს, რომ მომხმარებლის ტრანზაქციების შესახებ ინფორმაცია საგადასახადო ორგანოებს აცნობონ.
OECD-ის განცხადებით, საგადასახადო ორგანოებისთვის ამ ინფორმაციის საერთაშორისო დონეზე გაზიარების შესაძლებლობა კრიპტო ინვესტორებს საშუალებას მისცემს „თავიანთი საგადასახადო ვალდებულებები უფრო ეფექტურად შეასრულონ “, რაც გადასახადებისგან თავის არიდების წინააღმდეგ ბრძოლას უფრო ეფექტურს გახდის.
2027 წლიდან საგადასახადო ორგანოების მიერ კრიპტო სერვისებიდან მიღებული ინფორმაციის გაცვლა ევროკავშირის ყველა ქვეყანაში, ასევე დიდ ბრიტანეთსა და ყაზახეთში იგეგმება. აზერბაიჯანი, მექსიკა, მონღოლეთი, სინგაპური, შვეიცარია, ტაილანდი, არაბთა გაერთიანებული საამიროები და ჰონგ-კონგი ინიციატივაში ჩართვას 2028 წლიდან, ხოლო შეერთებული შტატები 2029 წლიდან აპირებენ.
რაც შეეხება საქართველოს, ასევე არგენტინას, სალვადორს, ინდოეთს და ვიეტნამს, ორგანიზაციის წარმომადგენლების განმარტებით, ეკონომიკური თანამშრომლობისა და განვითარების ორგანიზაციის ამ წევრ ქვეყნებს CARF სტანდარტის დანერგვის ვალდებულება ჯერ არ აუღიათ. ისინი დოკუმენტში საგანგებოდ არიან მოხსენიებული, რადგან კრიპტოვალუტის ინტენსიური გამოყენების მიუხედავად, მათ CARF შეთანხმებისთვის ხელი არ მოუწერიათ.
სალვადორში ბიტკოინი კანონიერ გადახდის საშუალებადაც კი არის აღიარებული და მთავრობა თავის პოლიტიკას ფინანსური თავისუფლების იდეაზე აფუძნებს, რომელიც ეკონომიკური თანამშრომლობისა და განვითარების ორგანიზაციისა და საერთაშორისო სავალუტო ფონდის (IMF) დიქტატებისგან სრულიად თავისუფალია.
ფინანსური ინფორმაციის ავტომატურ გაცვლაში არ მონაწილეობენ სანქცირებული ქვეყნები (ჩრდილოეთ კორეა, რუსეთი).
წყარო: https://www.oecd.org/content/dam/oecd/en/networks/global-forum-tax-transparency/commitments-carf.pdf
სიახლეების გამოწერა
