by Giorgi 
სოციალურ მედიაში ბიტკოინის შესახებ ნეგატიურმა კომენტარებმა პიკს მიაღწია
ბოლო ხუთი კვირის მანძილზე სოციალურ მედიაში ბიტკოინის შესახებ ნეგატიური კომენტარების ზრდამ მაქსიმუმს მიაღწია. პლატფორმა Santiment-ის ანალიტიკოსების აზრით, ეს შესაძლოა ტენდენციის პოტენციურ შეცვლაზე მიუთითებდეს.
მათი მონაცემებით, კრიპტო საზოგადოებაში შეშფოთება გაიზარდა, ოპტიმიზმი კი შემცირდა. ანალიტიკოსები აღნიშნავენ, რომ ასეთი პერიოდები ხშირად წინ უსწრებს ფასების აღდგენას.
Santiment-ის შეფასებით, ბოლო დღეებში ბიტკოინის შესახებ ყოველ ოთხ დადებით კომენტარზე, დაახლოებით ხუთი უარყოფითი მოდიოდა. მსგავსი ტენდენცია თებერვალშიც დაფიქსირდა.
ექსპერტებმა ხაზი გაუსვეს, რომ ბაზრის განწყობა ინვესტორების ქცევაზე გავლენას ახდენს : ნეგატიურს, როგორც წესი, თან ახლავს ფასების შემცირების, ხოლო პოზიტიურს ფასების ზრდის მოლოდინი.
ამავდროულად, მათი თქმით, კრიპტოაქტივების ბაზარი ხშირად კონსენსუსის საწინააღმდეგო მიმართულებით მოძრაობს:
„ბაზრები, როგორც წესი, უმრავლესობის მოლოდინების საწინააღმდეგოდ მოძრაობენ. პანიკის მაღალი დონე შესაძლოა გარდაუვალი ცვლილების ალბათობაზე მიუთითებდეს.“
Santiment-ის წარმომადგენლებმა დასძინეს, რომ ბიტკოინის მომავალი დინამიკა ფაქტორების ერთობლიობაზე, მათ შორის მაკროეკონომიკურ პირობებზე, ლიკვიდურობის შემოდინებასა და მარეგულირებელ დღის წესრიგზე იქნება დამოკიდებული. ბაზრის განწყობა კვლავაც მოკლევადიანი მოლოდინების დამატებით ინდიკატორად რჩება.
წყარო: https://x.com/santimentfeed/status/2040301433119969764
სიახლეების გამოწერა
