ახლო აღმოსავლეთში კონფლიქტის აღმოფხვრის შემთხვევაში ბიტკოინი ახალ რეკორდს დაამყარებს

ახლო აღმოსავლეთში კონფლიქტის აღმოფხვრის შემთხვევაში ბიტკოინი ახალ რეკორდს დაამყარებს

Galaxy Digital-ის აღმასრულებელი დირექტორის ვარაუდით, ბიტკოინის ფასი კვლავ გაიზრდება, თუ მსოფლიოში მშვიდობა დაისადგურეს – ომები უზარმაზარ ხარჯს მოითხოვს.

მაიკ ნოვოგრაცი (Mike Novogratz) ახლო აღმოსავლეთში სამხედრო კონფლიქტის გაჩაღების წინააღმდეგ გამოვიდა. მისი აზრით, კონფლიკტი ბიტკოინის კურსზე უარყოფითად იმოქმედებს. ბიზნესმენმა მსოფლიო ლიდერებს სიტუაციის კონტროლისკენ მოუწოდა, რათა მთელ რიგ აქტივებზე და მათ შორის კრიპტოაქტივებზეც, ფასების ვარდანა თავიდან იქნას აცილებული.

ნოვოგრაცი დარწმუნებულია, რომ სიტუაციის დასტაბილურების შემთხვევაში, ბიტკოინის ფასმა შესაძლოა ახალ მწვერვალებს მიაღწიოს.

„ ვლოცულობ, რომ დაპირისპირებულ მხარეთა შორის ჯანსაღმა აზრმა გაიმარჯვოს, რათა თავიდან იქნას აცილებული რეგიონული კონფლიქტის შემდგომი განვითარება. ახლო აღმოსავლეთს დიდი პოტენციალი აქვს და ამ ტრაგიკული მოვლენების შემსწრედ ყოფნა მტკივნეულია. როგორც კი ყველაფერი დამშვიდდება, ბიტკოინის ზრდის ტენდენცია აღდგება.“ – წერს ნოვოგრაცი სოციალურ ქსელ X-ში.

მის აზრს კრიპტოვალუტის ინვესტორი და ანალიტიკოსი მაიკ ალფრედიც (Mike Alfred) იზიარებს . ანალიტიკოსმა მისი მეგობარი ინვესტორის მაგალითი მოიყვანა, რომელმაც ირანის მხრიდან ბირთვული ომის დაწყების შიშით ბაზრის ვარდნის პირობებში ბიტკოინის მარაგი 61 000$ – ად გაყიდა. თუმცა, როდესაც ბიტკოინის ფასი 65 000 დოლარამდე გაიზარდა, ინვესტორმა მიღებული გადაწყვეტილება ძალიან ინანა.

მანამდე ნოვოგრაცი ვარაუდს გამოთქვამდა, რომ ბიტკოინის ETF-ის მიმართ ინსტიტუციური ინვესტორების მხრიდან მაღალი ინტერესის გამო, შეუძლებელია პირველი კრიპტოვალუტის ფასი 50 000 დორამდე დაეცეს.