Binance-ის ყოფილი CEO ციხეში წიგნს დაწერს
უმსხვილესი კრიპტო ბირჟა Binance-ის ყოფილი აღმასრულებელი დირექტორი ჩენპენ ჯაო ოთხთვიანი პატიმრობის პერიოდში წიგნის დაწერას გეგმავს.
ჩენპენ ჯაომ სოციალურ ქსელ X-ზე დაწერა, რომ პატიმრობისას იზოლაციის პერიოდს ის წერას დაუთმობს. იმის გამო, რომ ჯაო კრიპტო სამყაროს ერთ-ერთი ყველაზე მნიშვნელოვანი ფიგურაა, მის მიერ წიგნის დაწერის თაობაზე გაჟღერებული მინიშნება გამომწერების ცნობისმოყვარეობის მიზეზი გახდა.
ჯაოს არ დაუკონკრეტებია, თუ რა საკითხს შეეხება მისი შემოქმედება. თუმცა, არსებობს ვარაუდები, რომ მომავალ წიგნში ჯაომ შესაძლოა კრიპტო ბიზნესის მართვის გამოცდილებაზე ისაუბროს და საზოგადოებას თავისი მოსაზრებები გაუზიაროს, რაც საინტერესო როგორც ჩვეულებრივი ტრეიდერებისთვის, ისე ინდუსტრიული კომპანიების ხელმძღვანელებისთვისაც იქნება.
აპრილში სასამართლომ ჯაო ფულის გათეთრების ბრალდებით დამნაშავედ ცნო, რის შედეგადაც მას ოთხი თვით თავისუფლების აღკვეთა მიესაჯა. კრიპტო ბირჟა Binance 4,3 მილიარდი დოლარის ოდენობის ჯარიმის გადახდას დათანხმდა. მარეგულირებლებთან არსებული პრობლემების მიუხედავად, ჯაომ განაცხადა, რომ მისი Binance-დან წასვლა კრიპტოვალუტების მიმართ ინტერესის დაკარგვას სულაც არ ნიშნავს და რომ ის, ინდუსტრიის განვითარებაში საკუთარი წვლილის შეტანას კვლავაც გააგრძელებს.
მარტში ჯაომ უფასო საგანმანათლებლო ინიციატივა Giggle Academy აამოქმედა, რომელიც დაბალშემოსავლიან ახალგაზრდებს ფინანსებისა და ბლოკჩეინის სფეროებში განათლების მიღების შესაძლებლობას მისცემს.
Giggle Academy პრაქტიკული ციფრული უნარების მქონე მასწავლებლებით და თამაშების დეველოპერებით დაკომპლექტდება. სწავლება პროგრამირების, ხელოვნების, ბლოკჩეინის და ხელოვნური ინტელექტის სფეროებს მოიცავს.
ჯაოს თქმით, ყველასთვის ხელმისაწვდომი საგანმანათლებლო პლატფორმის შექმნა, მისი ცხოვრების შემდეგ მნიშვნელოვან ეტაპს წარმოაგენს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)