Binance-ის თანადამფუძნებელმა ახალი პროექტის დაწყება დააანონსა
უმსხვილესი კრიპტოვალუტის ბირჟა Binance-ის ყოფილმა აღმასრულებელმა დირექტორმა ახალი პროექტის დაწყების შესახებ გამოაცხადა, რომლის სახელწოდებაც Giggle Academy იქნება. საგანმანათლებლო სტარტაპმა, რომელიც აზიის ქვეყნების მოზარდებზე იქნება გათვლილი თანამშრომლების მიღება უკვე გამოაცხადა.
ჩენპენ ჯაოს (Changpeng Zhao) განცხადებით, ონლაინ სკოლაში უფასო განათლების მისაღებად განაცხადის გაკეთება ნებისმიერ მსურველს შეეძლება. სტარტაპის ვებსაიტზე განთავსებული ინფორმაციის მიხედვით, პროექტი 13 წელს მიღწეული იმ მოზარდებისთვის იქნება განკუთვნილი, რომლებსაც სკოლაში არასდროს უვლიათ. იმ პრობლემას, რომლის გადაჭრასაც პროექტი მიზნად ისახავს Giggle Academy ასე აყალიბებს:
„პლანეტის მოსახლეობის 781 მილიონიდან 75%-ზე მეტს სამხრეთ აზიაში, დასავლეთ აზიასა და აფრიკაში გაუნათლებელი ზრდასრული ადამიანები შეადგენენ. მსოფლიოში წერა-კითხვის უცოდინარ მოზარდთა თითქმის ორ მესამედს კი ქალები წარმოადგენენ.“
Giggle Academy-ის საგანმანათლებლო პროცესი სახალისო, გეიმიფიცირებულ ფორმატში ჩატარდება. სტუდენტები პირველიდან 12 კლასის ჩათვლით საბაზისო განათლების მიღებას უფასოდ შეძლებენ.
ჯაოს მიერ მოზიდული თანხებით მოზარდებს წერა-კითხვას, ენასა და ლიტერატურას, მათემატიკას, საბუნებისმეტყველო მეცნიერებებს, ფიზიკას, ბიოლოგიასა და ფინანსების საფუძვლებს შეასწავლიან.
უფროსკლასელებისთვის ხელოვნებისა და პროგრამირების, მეწარმეობისა და გაყიდვების, სამართლისა და ბუღალტრული აღრიცხვის, ბლოკჩეინისა და ხელოვნური ინტელექტის სფეროებში საგანმანათლებლო პროგრამები იქნება ხელმისაწვდომი.
„არავითარი ისტორია და რელიგია. ჩვენი მიზანი ბავშვების კოლეჯში მიყვანა კი არა, მათთვის უკეთესი სამსახურის პოვნაა.“
საგანმანათლებლო პროექტი არაკომერციულია. ყველაზე მონდომებული მოსწავლეებისთვის სპეციალური ქულების სისტემა იმოქმედებს, ხოლო ყველაზე წარმატებულებს NFT სახით სპეციიალური ნიშნებით დააჯილდოვებენ.
ცოტახნის წინ აშშ-ს ფედერალურმა სასამართლომ Binance-ის თანადამფუძნებელს ჩენგპენ ჯაოს დამატებითი შეზღუდვები დაუწესა. ჯაოს სამართალდამცავებისთვის ყველა პასპორტის გადაცემა და მისი ყოველი გადაადგილების შესახებ ინფორმირება დაევალა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)