კრიპტო ბაზარი ისევე აღდგება როგორც ეს პანდემიის შემდეგ მოხდა

კრიპტო ბაზარი ისევე აღდგება როგორც ეს პანდემიის შემდეგ მოხდა

Bitwise Asset Management-ის ინვესტიციების დირექტორის მეტ ჰოუგანის აზრით, კრიპტოვალუტის ბაზარი ისევე აღდგება, როგორც ეს კორონავირუსული პანდემიის შემდეგ მოხდა, თუმცა ბიტკოინის კურსი გარკვეული დროის განმავლობაში არასტაბილური დარჩება.

მეტ ჰოუგანმა (Matt Hougan) 2020 წლის 12 მარტი გაიხსენა, როდესაც კოროვირუსული პანდემიის ფონზე, ბიტკოინის ფასი ერთ დღეში 37%-ით დაეცა. მაშინ ბევრი ფიქრობდა, რომ პირველი კრიპტოვალუტა, ისევე როგორც მთლიანი ბაზარი, აღდგენას ვერ შეძლებდა. თუმცა, უკვე 2021 წელს ბიტკოინის კურსმა 57 000 დოლარს გადააჭარბა.

„როდესაც უკან ვიხედები, ჩემთვის ცხადი ხდება, რომ პანიკის დრო არ იყო. ეს ათწლეულის განმავლობაში ბიტკოინის შესაძენად უკანასკნელი საუკეთესო შესაძლებლობა იყო.“- თქვა ჰიუგანმა.

მისი განმარტებით, კრიპტოვალუტის კვოტების სწრაფი აღდგენა მსოფლიოს მარეგულირებელთა ქმედებებით იყო განპირობებული, რომლებმაც საპროცენტო განაკვეთები შეამცირეს და ქაღალდის ფული დაბეჭდეს.

ჰოუგანის აზრით, ახლა ბაზარზე ანალოგიური ვითარებაა, რადგან აშშ-ის ფედერალური სარეზერვო სისტემის (FRS) წარმომადგენლების განცხადებით, საპროცენტო განაკვეთის შემცირება აუცილებლობას წარმოადგენს. ანალიტიკოსმა აღნიშნა, რომ უკანასკნელ პერიოდში, მაკროეკონომიკური პანიკის პირობებში, ბიტკოინი მკვეთრად ეცემოდა, შემდეგ კი დემონსტრატიულად იზრდებოდა.

„შესაძლოა ამჯერად ყველაფერი სხვაგვარადაა, მაგრამ მე ამაზე ფსონს ვერ ჩამოვალ. პირიქით, ფსონს საპირისპიროზე ჩამოვდივარ – ჩემი რჩევა მოკლევადიანი პერსპექტივის იგნორირებაა. ბიტკოინი არის არასტაბილური აქტივი დიდი აღმავლობითა და ვარდნით და გარკვეული პერიოდის განმავლობაში ეს ასე დარჩება.“ – დაასკვნა ჰოუგანმა.

მანამდე Bitwise-ის ტოპ მენეჯერმა განაცხადა, რომ უარყოფითი ფაქტორები, როგორიცაა გერმანიის მთავრობის მიერ BTC-ის გაყიდვა და ბირჟა MtGox-ის მიერ კლიენტებისთვის თანხების ანაზღაურება, 2024 წლის ბოლოსთვის პირველი კრიპტოვალუტის კურსის 100 000 დოლარამდე ზრდას ვერ შეაჩერებს.