XRP კრიპტო ბაზრის ერთ-ერთი ლიდერი გახდება
Ripple-ის აღმასრულებელი დირექტორის ბრედ გარლინგჰაუსის განცხადებით, კომპანიის აშშ-ს მარეგულირებელთან სამართლებრივი დავის მიუხედავად, მონეტების საგადახდო სექტორში გამოყენების გამო, XRP შესაძლოა კრიპტო ინდუსტრიის ერთ-ერთი ლიდერი გახდეს.
გარლინგჰაუსმა 2018 წლის Yahoo Finance-ის კონფერენციაზე SEC-ის იმ პერიოდის კორპორატიული ფინანსების დირექტორის უილიამ ჰინმანის (William Hinman) სიტყვით გამოსვლა გაიხსენა. მაშინ ჰინმანმა განაცხადა, რომ ეთერიუმი ფასიან ქაღალდს არ წარმოადგენს. ორი წლის შემდეგ კი, მარეგულირებლებმა Ripple-ს ფასიანი ქაღალდების ფედერალური კანონების დარღვევისთვის უჩივლა და კომპანია არარეგისტრირებული ICO-ს ჩატარებაში დაადანაშაულა.
„SEC კრიპტო ბაზარში ერევა, რაც ETH-ზე აღმავალ, ხოლო XRP-ზე დაღმავალ ეფექტს ახდენს. თუმცა, XRP კრიპტოვალუტის ბაზრის ერთ-ერთი ლიდერი მაინც გახდება. XRP-ის რეგულირებაში შეტანილი სიცხადე მონეტას დამოუკიდებლობის მოპოვებაში დაეხმარება.“ – განაცხადა გარლინგჰაუსმა.
შეკითხვაზე შეუძლია თუ არა SEC-ს XRP-თან დაკავშირებული გაცვლითი სავაჭრო ფონდების (ETF) დასაწყებად კომპანიების განაცხადები არ დააკმაყოფილოს, გარლინგჰაუსმა უპასუხა, რომ სააგენტომ XRP-ის მეორადი გაყიდვების შესახებ სასამართლოს გადაწყვეტილების გასაჩივრების მზადყოფნა „ბოლო მომენტში“ გამოთქვა. 2023 წელს სასამართლოს გადაწყვეტილებით დადგინდა, რომ მეორად ბაზარზე არსებული XRP ფასიან ქაღალდად არ ითვლება. აპელაციის შეტანის ბოლო ვადად 7 ოქტომბერი დაინიშნა.
თუმცა, დეპარტამენტმა სასამართლოს გადაწყვეტილება სასწრაფოდ მას შენდეგ გაასაჩივრა, რაც 2 ოქტომბერს კრიპტო კომპანიამ Bitwise XRP-ით მხარდაჭერილი ETF-ის დასაწყებად განაცხადი შეიტანა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)