MetaMask ტრანზაქციების სიჩქარეს გაზრდის

MetaMask ტრანზაქციების სიჩქარეს გაზრდის

MetaMask-მა და ციფრული იდენტიფიკაციის პროტოკოლმა SPACE ID-მ გამოაცხადეს სტრატეგიული პარტნიორობის შესახებ, რომელიც მიზნად კრიპტოვალუტის ტრანზაქციების დაჩქარებას ისახავს.

განცხადების თანახმად, ახალი სერვისი სახელწოდებით SPACE ID MetaMack Snap, მომხმარებლებს კრიპტოვალუტების გაგზავნისა და მიღების შესაძლებლობას უფრო მარტივი და უსაფრთხო გზით შესთავაზებს. ასევე საფულეზე წვდომას გაამარტივებს.

„42 სიმბოლოსა და ციფრის ერთობლიობის ნაცვლად, სადაც ერთი სიმბოლოს გამოტოვება შესაძლოა მთლიანი თანხის დაკარგვის ტოლფასი იყოს, ციფრული აქტივების გადასაგზავნად მხოლოდ მომხმარებლის მარტივი სახელის შეყვანა იქნება საჭირო .“- ნათქვამია ანონსში.

სერვისს ყველა იმ ქსელის მხარდაჭერა აქვს, რომელიც Ethereum-ის ვირტუალურ მანქანასთან (EVM) არის თავსებადი. სერვისთან დასაკავშირებლად, პროტოკოლ Snaps-ის მეშვეობით, მომხმარებლებმა ის MetaMask საფულის გაფართოებებში უნდა დაამატონ.

როგორც MetaMask-ის პროდუქტის მენეჯერი კრისტიან მონტოია (Cristian Montoya) აცხადებს, პროტოკოლი SPACE ID პარტნიორად იმის გამო იქნა შერჩეული, რომ ის უკვე თანამშრომლობს ბაზრის ისეთ მნიშვნელოვან მონაწილეებთან, როგორებიცაა: Binance Web3 Wallet, OKX Wallet და SafePal.

როგორც SPACE ID-ის წარმომადგენლებმა აღნიშნეს, ახალი სერვისი მომხმარებლებს ყველა ციფრული იდენტიფიკატორის ერთ საფულეში შენახვის შესაძლებლობას მისცემს, რაც მათ უსაფრთხოებას უზრუნველყოფს.

მანამდე საფულე MetaMask-ის დეველოპერმა კომპანიამ ConsenSys Mastercard-ის საკუთარი კრიპტო სადებეტო ბარათის გამოშვების შესახებ გამოაცხადა. პროექტის პარტნიორი გადახდის სერვისი Baanx გახდა.