მაიკლ სეილორმა ბიტკოინის შეძენისკენ მოუწოდა ქვეყნებს
MicroStrategy-ს აღმასრულებელმა დირექტორმა მაიკლ სეილორმა ქვეყნებს, სადაც სიღარიბის
მაღალი მაჩვენებელია, ეკონომიკის გასაძლიერებლად მოუწოდა შეიძინონ ბიტკოინი და აამოქმედონ
ისეთი ვალუტები, რომელთაც ბიტკოინის მხარდაჭერა ექნებათ.
მაიკლ სეილორმა (Michael Saylor) ტვიტერზე გამოაქვეყნა ვიდეო, სადაც ნიგერიისა და
ზიმბაბვეს მთავრობებს ურჩევს ინვესტიცია პირველ კრიპტოვალუტაში განახორციელონ.
მისი აზრით, ასეთი ქვეყნებისთვის 2-3 მილიარდი დოლარის BTC-ის შეძენა მოაგვარებდა
დასუსტებულ სახელმწიფო ვალუტასთან დაკავშირებულ პრობლემებს, დაასრულებდა
შიმშილს და მოქალაქეებს ღირსეულად ცხოვრების საშუალებას მისცემდა. ასევე სეილორის
პროგნოზით, თუ 5 მილიარდი დოლარის ღირებულების BTC- ს თურქეთი იყიდის და მას
ხუთი წლის განმავლობაში შეინახავს, ეს მნიშვნელოვნად გააძლიერებს თურქულ ლირას.
სეილორი ბიტკოინის გრძელვადიან შენახვას ყოველთვის უჭერდა მხარს. მაისში მან განაცხადა,
რომ კრიპტოვალუტის ბაზრის არასტაბილურობის მიუხედავად, მას „ერთი ატოშიც“ კი არ გაუყიდია. MicroStrategy 108,000 -ზე მეტ BTC- ს ფლობს და ბიტკოინის ყიდვას კვლავ აგრძელებს.
„ნიგერიაში ან ზიმბაბვეში ცხოვრების გასაუმჯობესებლად, ამ ქვეყნების ლიდერებმა 2
ან 3 მილიარდი დოლარის ბიტკოინი უნდა იყიდონ. მაშინ ამ ქვეყნების მოქალაქეები
შიმშილით აღარ დაიხოცებიან. ასევე ღირს ვიფიქროთ ბიტკოინის მხარდამჭერი ვალუტის გამოშვებაზე, რადგან ბიტკოინი უკვე შეიძლება ჩაითვალოს სტანდარტად.“- განაცხადა ეილორმა.
ასე მოიქცა სალვადორი – 7 სექტემბერს, მას შემდეგ, რაც ქვეყანაში ბიტკოინის გადახდის
საშუალებად აღიარება მოხდა, მთავრობამ 400 BTC შეიძინა. თუმცა, ბევრი ქვეყანა უფრო
მიზანშეწონილად ცენტრალური ბანკის ციფრული ვალუტების ამოქმედების შესაძლებლობების
შესწავლას მიიჩნევს. მარეგულირებელი ორგანოები შიშობენ, რომ კერძო კრიპტოვალუტები
შესაძლოა ისე აქტიურად ჩაერთონ ყოველდღიურ ცხოვრებაში და ელექტრონულ კომერციაში,
რომ ადამიანებს ფიატურ ვალუტაზე მოთხოვნა აღარ ექნებათ.
ადრე სეილორმა ბიტკოინი ციფრულ საკუთრებას შეადარა და აღნიშნა, რომ პირველ კრიპტოვალუტაში ინვესტიცია გაცილებით მიმზიდველია ვიდრე ოქროში.
წყარო: https://bits.media
მაიკლ სეილორმა ბიტკოინის შეძენისკენ მოუწოდა ქვეყნებს
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)