by Maria 
ირანმა მაინინგზე შეზღუდული რაოდენობის ლიცენზიები გასცა
ელექტროგადამცემ ქსელში შექმნილი პრობლემების მიზეზით მაინინგის აკრძალვის
მიუხედავად, ირანის მრეწველობისა და ვაჭრობის სამინისტრომ ქვეყნის 30 მდე სამაინინგო
კომპანიას საქმიანობის უფლება მისცა.
ექვსი ლიცენზია გაიცა სემნანის პროვინციაში მოქმედ კომპანიებზე, ოთხი კი ალბორზის
პროვინციის კომპანიებს ერგოთ. კიდევ ოთხი ლიცენზია გაიცა მაზანდარანის, აღმოსავლეთ
აზერბაიჯანისა და ზანჯანის პროვინციებში. თეირანის პროვინციაში, სადაც ქვეყნის დედაქალაქი და პოლიტიკური ცენტრი მდებარეობს მთავრობისგან ლიცენზია მხოლოდ ერთმა კომპანიამ მიიღო.
შეგახსენებთ, რომ მაისში ირანის პრეზიდენტმა ქვეყანაში მაინინგზე აკრძალვა 22 სექტემბრამდე შემოიღო. მანამდე კი გავრცელდა ირანის ენერგეტიკის სამინისტროს განცხადება, რომლის მიხედვითაც სახლის პირობებში მაინინგისთვის მკაცრი ჯარიმები იქნებოდა შემოღებული.
ივნისის დასაწყისში ირანის პრეზიდენტმა განაცხადა, რომ კრიპტოაქტივების ლეგალიზებას აპირებს და მათი რეგულირებისათვის საკანონმდებლო ბაზის შემუშავების განკარგულება გასცა. გასულ კვირას კი ირანელმა სამართალდამცავებმა 7000 ერთეული სამაინინგო მოწყობილობის კონფისკაციის შესახებ წარადგინეს ანგარიში.
წყარო: https://bits.media
