ევროკავშირმა შესაძლოა ბიტკოინით ვაჭრობა აკრძალოს

ევროკავშირმა შესაძლოა ბიტკოინით ვაჭრობა აკრძალოს 

ევროკავშირის ოფიციალურმა პირებმა ენერგომოხმარების ინტენსივობისა და გარემოსთვის ზიანის მიყენების გამო  ბიტკოინით ვაჭრობის აკრძალვის  შესაძლებლობა განიხილეს. 

Netzpolitik-ის ცნობით, Proof-of-Work (PoW) ალგორითმზე დაფუძნებული მაინინგის აკრძალვის წინადადების განხილვისას,  ევროკავშირის ოფიციალურმა პირებმა  ბიტკოინით ვაჭრობის აკრძალვაც განიხილეს.

BTC-ით ვაჭრობის სრული აკრძალვის შეთავაზება საერთო ენერგომოხმარების შემცირების მიზეზით დაიგეგმა.

ევროკავშირის ოფიციალური წარმომადგენლების შვედეთის ფინანსური მონიტორინგის ორგანოსა და გარემოს დაცვის სააგენტოსთან შეხვედრაზე გაჩნდა მოსაზრება, რომ მარეგულირებელი ორგანოს მხრიდან კრიპტო საზოგადოებაზე  Proof-of-Stake (PoS) კონსესუსის მექანიზმზე გადასვლის მიზეზით ზეწოლა ხორციელდება.

ერთ-ერთმა ოფიციალურმა პირმა Ethereum-ის ქსელის მაგალითზე, რომელმაც  PoS-ზე გადასვლა დაიწყო, ევროკავშირს იგივე მოთხოვნის ბიტკოინისთვის წამოყენების დაკანონება შესთავაზა.

მისი აზრით, მაშინ როცა სხვა უფრო ენერგოეფექტური და  სტაბილური კრიპტოვალუტები არსებობს, ხელისუფლებას არ აქვს მიზეზი, ბიტკოინის მიმართ მოთხოვნები შეარბილოს.

მას მხარი სხვა წარმომადგენელმაც აუბა და განაცხადა, რომ  PoW-ის გამოყენებითა ნებისმიერი კრიპტო აქტივებით ვაჭრობის აკრძალვა მართებული იქნებოდა.

ბიტკოინის ქსელის ენერგომოხმარება სულ უფრო იზრდება  და გარემოსდაცვითი ორგანიზაციებისა და მათთან ერთად მარეგულირებლების ყურადღების მიქცევას განაგრძობს.

კემბრიჯის უნივერსიტეტის ელექტროენერგიის მოხმარების ინდექსის მიხედვით, ბიტკოინის მაინინგი ამჟამად ყოველწლიურად 139 ტვტ.სთ-ს მოიხმარს.