Edge პირველ კონფიდენციალურ Bitcoin Mastercard-ს გამოუშვებს
by shaksen 
Edge პირველ კონფიდენციალურ Bitcoin Mastercard-ს გამოუშვებს
კომპანია Edge-ის განცხადებით, მისი ახალი კრიპტო ბარათი მომხმარებლისგან პერსონალურ მონაცემებს არ მოითხოვს.
კომპანიამ, რომელმაც პოპულარული კრიპტო საფულე Edge შეიმუშავა, თავისი ახალი კონფიდენციალური Mastercard-ის ბარათის გამოშვების შესახებ გამოაცხადა, რომლის გამოყენება იდენტიფიკაციას (KYC) არ საჭიროებს.
Edge-ის აღმასრულებელი დირექტორის პოლ პუის (Paul Puey) თქმით, ბარათის გამოსაყენებლად არ დაგჭირდებათ სახელი, ტელეფონის ნომერი ან ელექტრონული ფოსტის მისამართი, მხოლოდ 15 წამი თავისუფალი დრო.
კონფიდენციალურობის გარდა, ახალ პროდუქტს კიდევ ერთი პლიუსი აქვს.
პუის თქმით, ჯერ კიდევ არსებობენ ადამიანები, რომლებიც ამა თუ იმ მიზეზით საბანკო ანგარიშის გახსნას ვერ ახერხებენ.
ახალი ბარათი არ არის მხოლოდ ბიტკოინისთვის (BTC), მომხმარებლებს ბარათის შევსება ისეთი კრიპტოვალუტებით შეეძლებათ,
როგორიცაა Dogecoin (DOGE), Dash (DASH), Bitcoin Cash (BCH) და Litecoin (LTC). ბარათის ამოქმედებისას Edge Mastercard-ის მომხმარებლებს თავდაპირველად 1000 დოლარის დღიური ხარჯვის ლიმიტი ექნებათ. Apple Pay, Google Pay და Samsung Pay-ით გადახდა მოგვიანებით დაემატება.
ბარათის შესავსებად მომხმარებლებს საფულეში არსებული კრიპტოვალუტის გაყიდვა და მიღებული დოლარის ბარათის ანგარიშზე გადაგზავნა დასჭირდებათ. ბaრათის შევსება უფასო იქნება.
