კრიპტო სამყაროში 2017 წლიდან. #bitcoin
რა არის კრიპტოვალუტა?
კრიპტოვალუტა არის ციფრული ან ვირტუალური აქტივი, რომელსაც ფიზიკური ფორმა არ აქვს. ის მხოლოდ ინტერნეტში არსებობს. კრიპტოვალუტას ვერ შეეხებით და ვერ გამოიტანთ ნაღდი ფულის სახით, თუმცა შესაძლებელია მისი გაცვლა სხვა ვალუტაში, მაგალითად დოლარში ან ევროში.
კრიპტოვალუტა წარმოადგენს ციფრულ ფულს, რომელიც გამოიყენება ონლაინ ტრანზაქციებისთვის. დღეს ის სულ უფრო პოპულარული ხდება და ხშირად განიხილება ტრადიციული ვალუტების ალტერნატივად. პრაქტიკაში, კრიპტოვალუტა ძირითადად გამოიყენება ვაჭრობისა და ინვესტიციისთვის.
ტრანზაქციების უსაფრთხოებას უზრუნველყოფს ბლოკჩეინის ტექნოლოგია. ბლოკჩეინი არის მონაცემების ჯაჭვი, სადაც ინახება ყველა ტრანზაქციის ინფორმაცია. იგი ჰგავს საჯარო წიგნს, რომელშიც აღირიცხება, ვის რამდენი კრიპტოვალუტა აქვს.
მონაცემების დაცვა ხდება კრიპტოგრაფიის საშუალებით. ეს ნიშნავს, რომ ინფორმაცია დაშიფრულია და დაცულია. როდესაც კრიპტოვალუტა ერთი მომხმარებლიდან მეორეზე გადადის, ბლოკჩეინში ახალი ჩანაწერი ემატება.
ტრანზაქციის დადასტურებას ახორციელებს კომპიუტერების ქსელი. ისინი რთულ მათემატიკურ ამოცანებს ამუშავებენ. ამ პროცესში მონაწილეობენ მაინერები. ისინი იყენებენ სპეციალურ მოწყობილობებს და გამოთვლით სიმძლავრეს. სამუშაოს სანაცვლოდ ისინი იღებენ ახალ კრიპტოვალუტას.
კრიპტოვალუტებს არ აკონტროლებს ერთი სახელმწიფო ან ცენტრალური ორგანო. სწორედ ამიტომ მას დეცენტრალიზებული სისტემა ეწოდება. მიუხედავად ამისა, სხვადასხვა ქვეყანას აქვს საკუთარი რეგულაციები კრიპტოვალუტების გამოყენებასთან დაკავშირებით.
ისტორია
2009 წლის იანვარში გამოჩნდა ბიტკოინის პირველი პროგრამული ვერსია. მისი ავტორი ცნობილია ფსევდონიმით — სატოში ნაკამოტო. უცნობია, იყო ეს ერთი ადამიანი თუ ადამიანთა ჯგუფი.
2010–2011 წლებში შეიქმნა პირველი კრიპტობირჟები. მათზე შესაძლებელი გახდა ბიტკოინის გაცვლა რეალურ ვალუტაში. 2011 წელს ბიტკოინის ფასი აშშ დოლარს გაუთანაბრდა.
მოგვიანებით გაჩნდა სხვა კრიპტოვალუტებიც, როგორიცაა Litecoin, Ethereum, Ripple და Dogecoin. ისინი განსხვავდებოდნენ ტექნოლოგიითა და ფუნქციებით.
2017 წელს ბიტკოინი გაიყო ორ ნაწილად — Bitcoin და Bitcoin Cash. 2013 წლიდან ბიტკოინით უკვე შესაძლებელია როგორც მომსახურების, ასევე სხვადასხვა პროდუქტის შეძენა.
კრიპტო სამყაროში 2017 წლიდან. #bitcoin
