by Maria 
Tether მსოფლიოში ყველაზე დიდი ბიტკოინის მაინერი გახდება
გამოცემა The Block-ის პოდკასტში Tether-ის აღმასრულებელმა დირექტორმა პაოლო არდოინომ (Paolo Ardoino) განაცხადა, რომ წლის ბოლომდე კომპანია მაინინგის საჯარო ფირმებს შორის პირველობას გეგმავს.
ბიზნესმენის თქმით, ბიტკოინის მაინინგში ჩართულობა გარდა მიღებული მოგებისა, კომპანიის საინვესტიციო პორტფელის დასაცავად და ქსელის უსაფრთხოების უზრუნველსაყოფად გადადგმული მნიშვნელოვანი სტრატეგიული ნაბიჯია.
„Tether-ს დაახლოებით 100,000 BTC აქვს. რადგან ეს დიდი ინვესტიციაა, ჩვენ ვფიქრობთ, რომ ჩვენი ინვესტიციის დასაცავად მაინინგ ინდუსტრიის ნაწილი უნდა ვიყოთ. თუ 1 მილიონი დოლარი გაქვთ და ფიქრობთ სად დააბანდოთ ის, ბიტკოინის ყიდვა ყველაზე მომგებიანია. მაგრამ ჩვენთვის ბევრად მნიშვნელოვანია ამ სისტემის ნაწილი ვიყოთ.“ – განაცხადა არდოინომ.
მისი თქმით, Tether ინვესტიციებს სხვადასხვა სფეროში ახორციელებს, მათ შორის Web3-ში, ხელოვნურ ინტელექტსა და სხვა სექტორებში. კერძოდ, მან ახსენა პლატფორმა Rumble და აგრობიზნესის ფირმა Adecoagro.
Tether-ი თავისი აღჭურვილობის ჰეშრეიტს არ ამხელს. 2023 წლიდან კომპანიამ ლათინურ ამერიკაში ბიტკოინის მაინინგსა და ენერგეტიკაში 2 მილიარდ დოლარზე მეტი ჩადო. ურუგვაიში, პარაგვაისა და სალვადორში სულ 15 ობიექტი ფუნქციონირებს, მათ შორის მშენებარე ქვესადგურები და განახლებად ენერგიაზე ორიენტირებული ობიექტები. Tether ასევე უკვე მოქმედი მაინინგ ფერმების საქმიანი პარტნიორია.
მანამდე, პაოლო არდოინომ განაცხადა, რომ წლის მეოთხე კვარტალში კომპანია თავისი ოპერაციული სისტემის (MOS) კოდს ბიტკოინის მაინინგისთვის გახსნის.
