by Maria 
ბიტკოინი დოლარზე ზეწოლას ამცირებს
აშშ-ის პრეზიდენტმა დონალდ ტრამპმა თეთრ სახლში გამართულ პრესკონფერენციაზე განაცხადა, რომ ბიტკოინი აშშ დოლარზე ზეწოლის შემსუბუქებას უწყობს ხელს. ტრამპმა პირობა დადო, რომ ბაზარზე ჩინეთის დომინირების თავიდან ასაცილებლად, აშშ ციფრული აქტივების განვითარების სფეროში ლიდერი გახდება.
ტრამპის თქმით, პრეზიდენტის თანამდებობის დაკავების შემდეგ, მან ინდუსტრიას ხელი შეუწყო ქვეყნისთვის სტრატეგიული მნიშვნელობის გამხდარიყო.
მისი განცხადეით, კრიპტოვალუტების გავრცელებას შეერთებულ შტატებში საგარეო პოლიტიკური მნიშვნელობა აქვს: ჩინეთში კრიპტოვალუტები აქტიურად უკვე მაშინ გამოიყენებოდა, როდესაც შეერთებულ შტატებს კრიპტოინდუსტრია ჯერ კიდევ არ ჰქონდა.
ტრამპმა აღიარა, რომ ახლა ბიტკოინი შიდა ეკონომიკაში ინტენსიურად ინერგება, რადგან პირველ კრიპტოვალუტას გადახდებისთვის სულ უფრო მეტი ადამიანი იყენებს.
ქვეყანაში ბიტკოინით ანგარიშსწორების შემოღება ბევრმა საცალო ვაჭრობის ობიექტმა დაიწყო:
„შევნიშნე, რომ თქვენ სულ უფრო ხშირად იხდით ბიტკოინით. ეს დოლარზე ზეწოლას მნიშვნელოვნად ამცირებს. ეს კი ჩვენი ქვეყნისთვის შესანიშნავია.“- თქვა ტრამპმა.
ტრამპის განცხადებით, ის „კრიპტოვალუტის ფანატიკოსი“ სულ რაღაც რამდენიმე წლის წინ გახდა. მისი თქმით, ბოლოდროინდელი ბაზრის ვარდნის დროს ბიტკოინის და სხვა კრიპტოვალუტების ფასი აქციების ფასთან შედარებით ნაკლებად დაეცა.
ტრამპმა დასძინა, რომ ის პირადად არ დებს ინვესტიციას ბიტკოინში, თუმცა ამას მისი შვილები აკეთებენ.
კითხვაზე მზად იყო თუ არა ოჯახის კრიპტოვალუტასთან დაკავშირებული ინიციატივების შეჩერებისთვის, აშშ-ს პრეზიდენტმა უპასუხა, რომ პორტფელს მისი ვაჟები მართავენ და თავად კი პრეზიდენტობის პერიოდში ინვესტიციებზე არ არის ორიენტირებული.
გასულ წელს ტრამპების ოჯახმა დეცენტრალიზებული საკრედიტო პლატფორმა World Liberty Financial (WLFI) საკუთარი სტაბილური კრიპტოვალუტით USD1 აამოქმედა.
მოგვიანებით ტრამპმა ჯერ ტოკენიTRUMP გამოუშვა, რომელსაც მალევე აშშ-ის პირველ ლედისთვის მიძღვნილი ტოკენი MELANIA მოჰყვა.
ცოტა ხნის წინ, ამერიკის პრეზიდენტის ვაჟმა ერიკ ტრამპმა იწინასწარმეტყველა, რომ ბიტკოინის ფასი მომავალ წელს შესაძლოა 170 000 დოლარამდე გაიზარდოს.
მან აღიარა, რომ ტრამპების ოჯახის კრიპტოვალუტის ბაზრის მიმართ ინტერესი მაიკლ სეილორმა და მისმა კომპანიამ MicroStrategy გამოიწვია, რომელიც ბიტკოინს რეგულარულად გრძელვადიანი შენახვისთვის ყიდულობს.
