DEX ბირჟებზე სავაჭრო მოცულობა 393 მილიარდამდე გაიზარდა

DEX ბირჟებზე ყოველთვიური სავაჭრო მოცულობა 393 მილიარდამდე გაიზარდა

ივნისში დეცენტრალიზებულ ბირჟებზე (DEX) ვაჭრობის მოცულობამ 393 მილიარდ დოლარს მიაღწია. ონლაინ გამოცემა The Block-ის მიერ გამოკითხული ანალიტიკოსების ცნობით, ცენტრალიზებული კრიპტო პლატფორმების მიმართ ნდობის შემცირების გამო, ტრეიდერები დეცენტრალიზებულ ბირჟებს სულ უფრო ხშირად მიმართავენ.

დერივატივების ბაზარზე ვაჭრობის მოცულობის ზრდის მთავარ მამოძრავებელ ფაქტორად ექსპერტებმა პლატფორმა Hyperliquid დაასახელეს.

საკუთარი ვაჭრობის მოცულობის 15%-ით შემცირების მიუხედავად, ბირჟამ პოზიციების განმტკიცება კონკურენტების უფრო მნიშვნელოვანი კლების ფონზე შეძლო.

მაგალითად, მსოფლიოში უდიდეს კრიპტოვალუტის ბირჟაზე Binance ფიუჩერსული ვაჭრობის მოცულობა იმავე
პერიოდში 20%-ით შემცირდა. შედეგად, DEX-ის დერივატივების ბაზარზე Hyperliquid-ის წილი 69.77%-დან 75%-მდე გაიზარდა.

ვაჭრობის მოცულობის ზრდაში მნიშვნელოვანი წვლილი დეცენტრალიზებულმა პლატფორმა APX Finance-მა შეიტანა.
ივნისში ვაჭრობის მოცულობამ 34 მილიარდ დოლარს გადააჭარბა, რაც თვეში 350%-იან ზრდას გულისხმობს. ექსპერტების თქმით,
ეს მომხმარებელთა წამახალისებელი პროგრამით აიხსნება.

The Block-ის ცნობით, ცენტრალიზებულ კრიპტო ბირჟებზე ვაჭრობის მოცულობა მაისში არსებული 1.47 ტრილიონიდან ივნისში
1.07 ტრილიონ დოლარამდე შემცირდა. ეს 2024 წლის სექტემბრის შემდეგ ყველაზე დაბალი მაჩვენებელია და დეკემბერში
მიღწეულ პიკზე 63.6%-ით ნაკლებია.

ცენტრალიზებული კრიპტო პლატფორმები მომხმარებლებს კარგავენ, რადგან დეცენტრალიზებული ბირჟები ვაჭრობის
თავისუფლებას, აქტივების დამოუკიდებელ შენახვას და ტოკენებზე ადრეულ წვდომას გვთავაზობენ, განმარტავენ გამოცემის ექსპერტები.

როგორც ცოტა ხნის წინ Ethereum-ის თანადამფუძნებელმა და კომპანია ConsenSys-ის აღმასრულებელმა დირექტორმა,
ჯოზეფ ლუბინმა (Joseph Lubin) განაცხადა, რომ უოლ სტრიტზე ოფისების მქონე მსხვილი კორპორაციები მალე დეცენტრალიზებული ფინანსების (DeFi) მიმართ დიდ ინტერესს გამოიჩენენ.