რამდენიმე წყარო იუწყება, რომ კომპანია PayPal ისრაელში დაფუძნებულ კრიპტოვალუტის კასტოდიალური სერვისის, Curv-ის შესაძენად ემზადება.
პირველად ამის შესახებ ცნობა ისრაელურმა გამოცემა Calcalist-მა გაავრცელა. მისი მონაცემებით, Curv-ის შესაძენად ამერიკული საგადასახადო გიგანტი 200-დან 300 მილიონამდე დოლარს გადაიხდის. CoinDesk-ი კი საკუთარ წყაროზე დაყრდნობით ავრცელებს ინფორმაციას, რომ Curv-ი 500 მილიონ დოლარად გაიყიდება.
„ჩემს ხელთ არსებული მონაცემებით, თითქმის დარწმუნებული ვარ, რომ ეს ასე იქნება,“ – აცხადებს CoinDesk-ის წყარო.
სავარაუდოდ Curv-მა PayPal-ის ყურადღება მას შემდეგ მიიქცია, რაც ამ უკანასკნელმა წარუმატებლობა განიცადა BitGo-ს შესაძენად გამართულ მოლაპარაკებებში. მოლაპარაკებები 2020 წლის ბოლოს დასრულდა. BitGo-ს შესაძენად PayPal-ს 750 მილიონი დოლარი ჰქონდა გამოყოფილი.
„PayPal-ს არაერთხელ შეუსყიდია ძვირადღირებული კომპანიები, მაგალითად Venmo, ახლა კი მათ კრიპტოვალუტის სფეროში სურთ რაიმეს შეძენა,“- აცხადებს CoinDesk-ის წყარო.
სტარტაპ Curv-ის შეძენის შესახებ პირველივე ინფორმაციის გავრცელების შემდეგ CRV ტოკენების ფასი 2.3$-დან 2.6$-მდე გაიზარდა. ტოკენი დეცენტრალიზებული ფინანსების პროექტს, Curve Finance-ს ეკუთვნის და როგორც ჩანს, ტრეიდერებმა მისი შეძენა შაცდომით დაიწყეს.
შეგახსენებთ, რომ PayPal-მა 2020 წლიდან ამერიკელი მომხმარებლებისთვის კრიპტოვალუტების მხარდაჭერა დაამატა. თებერვლის დასაწყისში ცნობილი გახდა, რომ საგადასახადო გიგანტი კრიპტოვალუტების ინდუსტრიაში მუშაობისთვის ახალ ქვეგანყოფილებას ჩაუშვებს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)