აშშ გამომძალველ ვირუსებთან საბრძოლველად 30 ქვეყანას გააერთიანებს
ჯო ბაიდენის განცხადებით, აშშ-ს ეროვნული უსაფრთხოების მრჩევლები გამომძალველ ვირუსებთან და სხვა კიბერდანაშაულებთან
ბრძოლის გეგმის შესამუშავებლად შეხვედრას 30 ქვეყნის წარმომადგენლებთან გამართავენ.
აშშ-ს პრეზიდენტის, ჯო ბაიდენის განცხადების თანახმად, რომელიც სამთავრობო ვებგვერდზე გამოქვეყნდა, ქვეყანა გეგმავს გაუძღვეს
საერთაშორისო ბრძოლას გამომძალველი ვირუსების, კრიპტოვალუტის არალეგალური გამოყენებისა და სხვა კიბერდანაშაულებების წინააღმდეგ.
„ჩვენ საერთო საფრთხეების წინააღმდეგ საბრძოლველად მჭიდროდ ვთანამშრომლობთ მსოფლიოს ქვეყნებთან, NATO-ს მოკავშირე ქვეყნებისა
და G7-ის პარტნიორების ჩათვლით. შეერთებული შტატები გააერთიანებს 30 ქვეყანას კიბერდანაშაულის წინააღმდეგ ბრძოლის გასაუმჯობესებლად, სამართალდამცავი ორგანოების თანამშრომლობის, კრიპტოვალუტის უკანონო გამოყენების აღკვეთისა და ამ საკითხების დიპლომატიური გადაწყვეტისთვის.“ – ნათქვამია განცხადებაში.
ონლაინ სესია, რომელსაც აშშ-ს ეროვნული უშიშროების საბჭო უმასპინძლებს, ოქტომბერში გაიმართება. შეხვედრის ზუსტი თარიღი და მონაწილე
ქვეყნების სია ჯერჯერობით უცნობია. ბაიდენის ადმინისტრაცია იმედოვნებს, რომ გამომძალველ ვირუსებთან ბრძოლის ახალი საინიციატივო ჯგუფი
შეინარჩუნებს დიპლომატიურ იმპულსს, რომელიც მოიცავდა პირდაპირ მოლაპარაკებებს რუსეთთან, ასევე ნატოსა და G7 ქვეყნებთან.
აშშ -ს მთავრობამ კიბერ საფრთხეებზე რეაგირების ხარისხი დღის წესრიგში მიმდინარე წლის თავდასხმების შემდეგ დააყენა. შეგახსენებთ, რომ ივნისში
მსოფლიოს ერთ-ერთმა უმსხვილესმა ხორცის მწარმოებელმა JBS Holdings გამომძალველებს, რომლებიც 30 მაისს თავს დაესხნენ კომპანიის საინფორმაციო
სისტემას, 11 მილიონი დოლარის BTC გადაუხადა.
მაისში, შეერთებულ შტატებში საწვავის მომარაგების უმსხვილესი სისტემის ოპერატორმა Colonial Pipeline-მა, ჰაკერებს 5 მილიონი
დოლარის კრიპტოვალუტა გადაუხადა სისტემის მუშაობის აღსადგენად, რამაც საწვავის დეფიციტი გამოიწვია. მოგვიანებით, აშშ-ს იუსტიციის
დეპარტამენტმა შეძლო გამოსასყიდად გადახდილი ბიტკოინების უმეტესი ნაწილის დაბრუნება.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)