კომპანია Visa-ს მონაცემებით, ლათინურ ამერიკაში საკრედიტო ბარათების მფლობელების თითქმის მეოთხედი, შესაძლებლობის შემთხვევაში ანგარიშსწორებას კრიპტოვალუტებით ისურვებდა.
Visa-ს ბოლოდროინდელმა გამოკითხვამ, რომელიც ბრაზილიურ მედიაში გაშუქდა, აჩვენა, რომ ლათინური ამერიკის საკრედიტო ბარათების მომხმარებელთა 25% ისურვებდა კრიპტოვალუტებით გადახდას, თუ ასეთ შესაძლებლობას საგადასახადო სისტემა შესთავაზებდა.
Visa-ს კვლევა COVID-19-ისა და მასთან დაკავშირებული შეზღუდვების პირობებში სამომხმარებლო ტრენდების შესაფასებლად ჩატარდა. კვლევის შედეგებმა აჩვენა, რომ მომხმარებელთა 78% მომავალში ახალი საგადასახადო ტექნოლოგიების გამოყენებას, მათ შორის კრიპტოვალუტებით ანგარიშსწორებასაც გეგმავს.
გამოკითხულთა უმრავლესობა – 58%, გადახდების განხორციელებას სოციალური ქსელების მეშვეობით ისურვებდა. ციფრული აქტივები რესპოდენტებს შორის უფრო პოპულარული აღმოჩნდა ვიდრე სხვა ტექნოლოგიები.
ლათინური ამერიკა უკვე გახდა ერთ-ერთი მსოფლიო ლიდერი კრიპტოვალუტების დანერგვის კუთხით, რეიტინგის სათავეში კი ვენესუელა და კოლუმბია მოექცა. ამ რეგიონებში შეიქმნა ბევრი სტარტაპი. ასევე მოხდა კრიპტოვალუტების სხვადასხვა მიზნით გამოყენების გამარტივების არაერთი ტექნოლოგიური გადაწყვეტა.
იანვარში Visa-ს აღმასრულებელმა დირექტორმა საგადასახადო სისტემაში სამომავლოდ კრიპტოვალუტებით გადახდების შესაძლებლობების გაფართოებაზე ისაუბრა, თებერვალში კი ცნობილი გახდა, რომ Visa ბანკებისა და ფინანსური ორგანიზაციებისთვის API-ს ნაკრებს შეიმუშავებს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)