350 მილიონიანმა საპენსიო ფონდმა KiwiSaver Growth Strategy, რომელსაც კომპანია New Zealand Wealth Funds Management განაგებს, ჯერ კიდევ გასული წლის ოქტომბერში კაპიტალის 5% ბიტკოინში დააბანდა.
როგორც კომპანიის მთავარმა საინვესტიციო ოფიცერმა, ჯეიმს გრიგორმა (James Grigor) განაცხადა, 17 მილიონი დოლარის ბიტკოინში დაბანდების მთავარი მიზეზი მისი ოქროსთან მსგავსება გახდა. მან ხაზი გაუსვა, რომ მომავალში კრიპტოვალუტებში ინვესტიციებს KiwiSaver-ის სხვა ფონდებიც განახორციელებენ.
„თუ ინვესტიციას ოქროში დებთ, არ გაქვთ მიზეზი ბიტკოინს გვერდი აუაროთ.“- თქვა მან.
იმის გათვალისწინებით, რომ გასული წლის ოქტომბერში ბიტკოინის კურსი 10000$-ის ფარგლებში მერყეობდა და სულ რაღაც 5 თვეში 5-ჯერ გაიზარდა, ფონდის ბიტკოინში ინვესტირებული თანხებიც 5-ჯერ არის გაზრდილი.
გრიგორმა დასძინა, რომ KiwiSaver „ძირითადად ტრადიციულ აქტივებში დებს ინვესტიციას“, თუმცა „დამატებით შესაძლებლობებს ყოველთვის იყენებს.“ ის დარწმუნებულია, რომ ბიტკოინს შეუძლია „ადამიანებისთვის პენსიის უკეთესი ვარიანტი უზრუნველყოს.“
საპენსიო ფონდების მხრიდან ბიტკოინისადმი მზარდი ინტერესის შესახებ წლის დასაწყისში Grayscale Investments-ის აღმასრულებელმა დირექტორმა მაიკლ სონენშაინმა (Michael Sonnenshein) ისაუბრა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)