ცენტრალიზებული ბირჟები თაღლითობისგან უფრო დაცულია
სათამაშო ტოკენ Squid-თან დაკავშირებული სკანდალის ფონზე Binance-ის აღმასრულებელმა დირექტორმა ჩaნპენ ჯაომ (Changpeng Zhao) DeFi-ისთან დაკავშირებულ რისკებსა და კრიპტოინდუსტრიის დეცენტრალიზაციისადმი მისი დამოკიდებულების შესახებ ისაუბრა.
Binance-ის ხელმძღვანელი მიიჩნევს, რომ თუ კრიპტოვალუტის პროექტი ინვესტორს 100%-იან
მოგებას სთავაზობს, ამან სულ მცირე ეჭვი უნდა გამოიწვიოს. ინვესტორს უნდა ესმოდეს, რომ ასეთ
პროექტში ფულის დაბანდება დიდ რისკებთანაა დაკავშირებული. ზოგჯერ იმდენად დიდ რისკებთან, რომ ინვესტიციასა და აზარტულ თამაშებს შორის ზღვარი ირღვევა.
Binance-ის დამფუძნებლის აზრით, ტრეიდინგში გამოცდილების მისაღებად ახალბედებმა
ცენტრალიზებული, რეგულირებადი პლატფორმები უნდა აირჩიონ . მიუხედავად იმისა, რომ კრიპტოვალუტებში ინვესტირება ცენტრალიზებულ ბირჟებზეც რისკებთან არის დაკავშიებული,
მათ DeFi-სთან შედარებით მომხმარებლის დაცვის ბევრად მეტი მექანიზმი აქვთ. გარდა ამისა,
შეცდომის ან თაღლითობის შემთხვევაში ცენტრალიზებულ ბირჟებზე თანხის დაბრუნების მეტი შესაძლებლობაა. ასევე, დადებითი რეპუტაციის მქონე დიდი პლატფორმები ისეა შემუშავებული,
რომ მათი გამოყენება მაქსიმალურად ხელმისაწვდომი და მარტივია.
ჩანპენ ჯაოს აზრით, DeFi მრავალ შესაძლებლობას უკვე კვალიფიციურ მომხმარებლებს სთავაზობს.
ის ფიქრობს, რომ კრიპტოვალუტების სფეროს მომავალი დეცენტრალიზაციას უკავშირდება, რადგან DeFi-ის უპირატესობების წყალობით კრიპტო პროდუქტებსა და მომსახურებებზე წვდომა ყოველგვარი შუამავლის გარეშე ნებისმიერ მომხმარებელს შეაუძლია.
Binance-ის დამფუძნებელი მომხმარებლებს აფრთხილებს, რომ მიუხედავად DeFi-ის მოხერხებულობისა,
მათ პირადი გასაღები დამოუკიდებლად უნდა მართონ. თუ მომხმარებელმა პირადი გასაღები დაკარგა, ის დაკარგავს წვდომას თავის კრიპტოვალუტაზე. ჯაოს თქმით, DeFi-ს არ გააჩნია გადამოწმების ან შეზღუდვის მექანიზმი, რომელიც მომხმარებელს საეჭვო პროექტებისგან დაიცავს. გარდა ამისა, ჭკვიან კონტრაქტებს, რომლებიც ტრანზაქციებს ამარტივებენ, შეიძლება მომხმარებლებისთვის უცნობი ხარვეზები ჰქონდეთ.
ამრიგად, DeFi სექტორს პრობლემები ნამდვილად აქვს, მაგრამ არანაკლები პრობლემები აქვს Binance-საც. ოქტომბერში ევროპელმა ინვესტორმა Binance-ის წინააღმდეგ საჩივარი შეიტანა და კრიპტო ბირჟისგან 140 მილიონი დოლარის ზარალის ანაზღაურება მოითხოვა. ამ ფაქტიდან ოთხი დღით ადრე კი Binance.US-ზე სავაჭრო ალგორითმში ცდომილების გამო ბიტკოინის კურსი 8200 დოლარამდე დაეცა.
წყარო: https://bits.media
ცენტრალიზებული ბირჟები თაღლითობისგან უფრო დაცულია
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)