მარტი ეთერიუმისა და ბიტკოინის მაინერებისათვის წარმატებული თვე გამოდგა. პირველი კრიპტოვალუტის მაინერებმა 1.75 მილიარდი დოლარის, ხოლო ეთერიუმის მაინერებმა კი 1.38 მილიარდი დოლარის შემოსავალი მიიღეს.
BTC-ის მოპოვებიდან მიღებული შემოსავალი მარტში 28.7%-თ გაიზარდა, მაშინ როცა ETH-ის მაინერების შემოსავალი მხოლოდ 0.73%-ით. ამასთან შესრულებულ ტრანზაქციებზე საკომისიოს სახით მიღებული შემოსავლის პროცენტული მაჩვენებელი ორივე შემთხვევაში შემცირებული იყო. თებერვალში ეთერიუმის მაინერებმა შემოსავლის 52.87% უშუალოდ ტრანზაქციების საკომისიოს სახით მიიღეს. მარტში ეს მაჩვენებელი 47.22%-მდე შემცირდა.
ბიტკოინის მაინერებმა ტრანზაქციების საკომისიოს სახით 167.21 მილიონი დოლარი მიიღეს, რაც მთლიანი შემოსავლის 9.55%-ს შეადგენს. თებერვალთან შედარებით საკომისიოს მოცულობა 10.7%-ით შემცირდა. გარდა ამისა, 20 მარტს ბიტკოინის მაინერების დღიური შემოსავლის რეკორდული მაჩვენებელი დაფიქსირდა – დღე-ღამის განმავლობაში მათ 60 მილიონ დოლარზე მეტი გამოიმუშავეს.
წყარო:https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)