Coinbase-ს დახმარებით FBI-იმ მკვლელობა აღკვეთა

აშშ-ს ფედერალურმა საგამოძიებო ბიურომ გამოავლინა დამნაშავე, რომელმაც ცოლის მკვლელობისთვის ქილერს ბიტკოინები გადაუხადა.
ეჭვმიტანილის მონაცემები, ფოტოსურათის ჩათვლით, FBI-ის ბირჟა Coinbase-მა მიაწოდა.

ტენესის შტატის მაცხოვრებელმა, ნელსონ რეპლოგლმა საკუთარი მეუღლის, ენის მკვლელობისთვის დაქირავებულ მკვლელს თანხა ბიტკოინებში
გადაუხადა. FBI-ის სპეციალური აგენტის, ქლეი ანდერსონის განცხადებით, რეპლოგლმა პოტენციურ მკვლელს ბიტკოინებთან ერთად ცოლის
მანქანის აღწერილობა გადაუგზავნა და აცნობა ზუსტი დრო, როდესაც ქალს შინაური ცხოველი ვეტერინართან უნდა წაეყვანა.

აგენტმა ანდერსონმა სქემის შესახებ ქალაქ ნოქსვილის შერიფისგან შეიტყო, რომელსაც თავის მხრივ შესაძლო დაგეგმილ მკვლელობაზე ინფორმაცია
BBC-ის თანამშრომლებმა აცნობეს. აგენტის BBC-ის თანამშრომლებზე ზეწოლის შედეგად საქმის დამატებითი დეტალები გახდა ცნობილი, მათ შორის საფულის მისამართიც საიდანაც თანხის გადარიცხვა მოხდა. საქმის გახსნა FBI-ის კიბერუსაფრთხოების ექსპერტების ჩარევის შედეგად მოხდა.

„FBI-ს შტაბ-ბინამ ბლოკჩეინში ტრანზაქციის ანალიზი განახორციელა და შეძლო დაედგინა, რომ მისამართი, საიდანაც ანგარიშსწორება მოხდა, Coinbase-ს ანგარიში იყო.“

კრიპტობირჟამ ფედერალური ბიუროს მოთხოვნით ინფორმაცია დაუყოვნებლივ, „სიცოცხლის მოსპობის საშიშროების“ საბაბით გასცა. FBI-ს გადაეცა
არა მხოლოდ ტრანზაქციის ისტორია, არამედ მომხმარებლის ყველა არსებული მონაცემი იმ ფოტოსურათების ჩათვლით, რომლებსაც რეპლოგლი რეგისტრაციისას და KYC შემოწმების დროს იყენებდა. Coinbase-ს მიერ მოწოდებული ინფორმაცია ასევე შეიცავდა მომხმარებლის IP მისამართს და
ბანკის სახელწოდებას, რომელიც რეპლოგლმა ექაუნთს მიაბა. ბანკმა რელპლოგლის მიერ ბიტკოინების შესაძენად საკუთარი დანაზოგის გამოყენება დაადასტურა.

ამ დრომდე ვერ მოხერხდა თავად ქილერის იდენტიფიკაცია. როგორც ჩანს, მას არ გამოუყენებია Coinbase-ს მსგავსი რეგულირებადი სერვისი და დამკვეთს გადარიცხვისთვის მხოლოდ პერსონალური საფულის მონაცემები მიაწოდა.

სამართალდამცავი ორგანოები Coinbase-ს ინფორმაციის მისაღებად სულ უფრო ხშირად მიმართავენ. კომპანიის გამჭვირვალობის ბოლო ანგარიშის
მიხედვით, ინფორმაციის მისაღებად განაცხადების რაოდენობა ბოლო ექვსი თვის მანძილზე 17%-ით არის გაზრდილი. გასულ წელს კი შემოსული განაცხადებების რაოდენობამ 4000-ს გადააჭარბა. აღსანიშნავია, რომ ანალოგიური სიმარტივით რეგულირებადი კრიპტობირჟებისგან საჭირო ინფორმაციის მიღება აშშ-ს შემოსავლების სამსახურსაც შეუძლია.

წყარო: https://bits.media