by Bachita Land 
ბიტკოინი მსოფლიოს ახალი დიდი დეპრესიისგან იხსნის
წიგნის „მდიდარი მამა, ღარიბი მამა“ ავტორის, რობერტ კიოსაკის (Robert Kiyosaki) განცხადებით, მსოფლიო 1929 წლის ამერიკის დიდი დეპრესიის მსგავსი, მასშტაბური ფინანსური კოლაფსის ზღვარზეა, რომლისგანაც ხსნა შესაძლოა ბიტკოინი გახდეს.
კიოსაკის ტვიტის თანახმად, გლობალური ეკონომიკა საგანგაშო ნიშნებს ავლენს, რაც 1930-იანი წლების საფონდო ბირჟების კრახს მოგვაგონებს. საუბარია აშშ-ის მთავრობის სწრაფად მზარდ ვალზე, ცენტრალური ბანკის არასტაბილურ საპროცენტო განაკვეთებსა და ფულის შეუზღუდავ ბეჭდვაზე.
კიოსაკიმ შეერთებული შტატებს ისტორიაში ყველაზე დიდ მევალე ქვეყანა უწოდა. როგორც ინვესტორმა აღნიშნა, ფულის დაბეჭდვა მხოლოდ გადასახადების გადასახდელად შეიძლება, მაგრამ ეს მხოლოდ გარკვეული დროით გაგრძელდება. მილიონობით ადამიანმა დიდი დეპრესიის დროს დაკარგა სიმდიდრე და თუ ხალხი ახლავე არ მოემზადება ამისთვის, ისტორია შესაძლოა განმეორდეს, დარწმუნებულია მწერალი.
კიოსაკის თქმით, ის ამჟამად სამ აქტივზეა დამოკიდებული: ოქროზე, ვერცხლსა და ბიტკოინზე. ავტორი მათ გრძელვადიანი შენახვისთვის ყიდულობს და გაყიდვას არ აპირებს. კიოსაკიმ დაწერა, რომ არასტაბილური ეკონომიკის პირობებში ის ირჩევს აქტივებს, რომლებსაც ღირებულების შენარჩუნება გრძელვადიანად შეუძლიათ, რადგან ხალხი მათ წლების განმავლობაში ენდობა.
კიოსაკიმ ახსენა Berkshire Hathaway-ს მფლობელი უორენ ბაფეტი (Warren Buffett) და Quantum Fund-ის თანადამფუძნებელი ჯიმ როჯერსი (Jim Rogers) რომლებმაც ყველა აქცია და ობლიგაცია გაყიდეს, რათა ქონება ნაღდ ფულსა და ვერცხლში გადაეტანათ.
კიოსაკიმ ცოტა ხნის წინ ინვესტორებს მოუწოდა დანაზოგი რეალურ აქტივებში და არა ბიტკოინთან ან ძვირფას ლითონებთან დაკავშირებულ საბირჟო ფონდებში (ETF) დააბანდონ.
