ჩინეთმა ბირჟები Binance, Huobi და OKEx ამოიღეს

ჩინეთმა ბირჟები Binance Huobi და OKEx ამოიღეს

ჩინური ინტერნეტ სერვისები და სოციალური ქსელები Baidu-ს, Weibo-ს, Zhihu-ს და Sogo-ს ჩათვლით აღარ გასცემენ ინფორმაციას საკვანძო სიტყვებზე, რომლებიც კრიპტოვალუტის ბირჟებს Binance, Huobi და OKEx-ს უკავშირდება.

ამ სავაჭრო პლატფორმების დასახელებების  საძიებო სისტემაში ინგლისურ ან ჩინურ ენებზე შეყვანისას ძებნის შედეგი არ აისახება. ამასთან ჩნდება განმარტება, რომ შეყვანილ საკვანძო სიტყვებზე ინფორმაცია არ იძებნება ჩინეთის მთავრობის დადგენილებისა და  მოქმედი კანონმდებლობის გათვალისწინებით.

Binance, Huobi და OKEx-თან მიმართებაში ასეთი მკაცრი ცენზურა მას მერე დაწესდა, რაც ადგილობრივმა მარეგულირებლებმა მაინინგსა და კრიპტოვალუტებით ვაჭრობაზე ზეწოლა დაიწყეს. Weibo-ზე OKEx-ის აღმასრულებელი დირექტორის, ჯეი ჰაოს (Jay Hao) ექაუნთი ჯერ კიდევ
იძებნება, მაგრამ ყველაფერი ნებისმიერ დროს შეიძლება შეიცვალოს, რადგან ამ თვეში Weibo-მ კრიპტოვალუტის ინდუსტრიის
20 მდე წარმომადგენლის ექაუნთი დაბლოკა.

Weibo კრიპტობირჟებს დაბრკოლებებს პირველად არ უქმნის. მარტში მან ზემოთხსენებული ბირჟების ექაუნთები ყოველგვარი ახსნა-განმარტების გარეშე დაბლოკა. მაგრამ ადრე ინტერნეტსერვისების შეთანხმებული ქმედების შედეგად კონკრეტული ბირჟების შესახებ საძიებო სიტყვების სისტემიდან ამოღებას ადგილი არასდროს ჰქონია. 

გასულ კვირას ჩინეთის სახელმწიფო მედია- საშუალებებმა გამოაცხადეს, რომ ჩინეთში კრიპტოვალუტებით ვაჭრობა არ იკრძალება, თუმცა ამავე დროს მოუწოდეს მოსახლეობას მაღალი რისკების გამო კრიპტოვალუტებს თავი აარიდონ. 

წყარო:https://bits.media

ჩინეთმა ბირჟები Binance Huobi და OKEx ამოიღეს