CryptoQuant-ის მონაცემებით, სტეიბლკოინების მოცულობამ კრიპტოვალუტის ბირჟების საფულეებში ისტორიულ მაქსიმუმს – 4.7 მილიარდ აშშ დოლარს მიაღწია განახლებული ე.წ. „ხარის“ ტრენდის ფონზე.
როგორც ანალიტიკური კომპანია CryptoQuant აცხადებს, ბირჟ ეს თანხა სტეიბლკოინების საერთო საბაზრო კაპიტალიზაციის მნიშვნელოვან წილს შეადგენს, რომელიც CoinGecko-ს მონაცემებით დაახლოებით 37.2 მილიარდი დოლარით ფასდება. სტეიბლკოინების საერთო სავაჭრო მოცულობა ახლა დაახლოებით 111 მილიარდს შეადგენს, საიდანაც 103 მილიარდი Tether-ზე მოდის.
სტეიბლკოინების გადარიცხვების რაოდენობამ ბირჟებზე 28 იანვარს თითქმის 33000 ტრანზაქციას მიაღწია, 27 იანვრის 30 000 ტრანზაქციისგან განსხვავებით. სტეიბლკოინების მასიური მოდინება ბირჟებზე ხშირად განიხილება ბიტკოინის ფასზე მოკლევადიან კატალიზატორად და მოწმობს იმას, რომ კაპიტალი ბრუნდება ბიტკოინში.
ფიატურ ვალუტებზე მიბმული სტეიბლკოინები სასარგებლო ინსტრუმენტის ფუნქციას იძენენ ტრეიდერებისთვის კრიპტოვალუტის ბირჟებზე დეპოზიტის შეტანის დროს, რადგან საშუალება ეძლევათ ადვილად იყიდონ და გაყიდონ ბიტკოინის დიდი მოცულობები. ამგვარად, ბირჟებზე სტეიბლკოინების რაოდენობის ზრდა მსყიდველობითი უნარის გაზრდასთან შეიძლება იყოს დაკავშირებული.
მოცემულ მომენტში კრიპტოვალუტის ბაზრებზე ზრდის ტენდენცია ფიქსირდება – საბაზრო კაპიტალიზაციის მიხედვით ტოპ ათეულიდან მონეტების უმეტესობა მნიშვნელოვან ზრდას განიცდის. CoinMarketCap-ის მონაცემების მიხედვით, ბიტკოინის ფასი დღე-ღამის განმავლობაში დაახლოებით 17%-ით გაიზარდა და ზოგიერთ ბირჟაზე 37498 დოლარს გადააჭარბა.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)