კრიპტოვალუტის მფლობელთა რიცხვი ოთხ მილიარდს მიაღწევს

კრიპტოვალუტის მფლობელთა რიცხვი ოთხ მილიარდს მიაღწევს

განვითარების მსგავს ეტაპებზე კრიპტოვალუტების დანერგვის ტემპი ინტერნეტის გავრცელების ტემპს ორჯერ აღემატება.

პლატფორმა Real Vision-ის აღმასრულებელი დირექტორის, რაულ პალის (Raoul Pal) განცხადებით, ასეთმა ტემპმა შესაძლოა 2030 წლისთვის კრიპტოვალუტების მომხმარებელთა რაოდენობა 4 მილიარდამდე გაზარდოს.

პალის თქმით, ანალიტიკური ფირმა Triple-A-ს ​​მონაცემებით, კრიპტოვალუტების განვითარების ადრეულ ეტაპზე ხუთი მილიონი კრიპტო საფულე ორჯერ უფრო სწრაფად შეიქმნა, ვიდრე ინტერნეტის განვითარების იგივე ეტაპზე ხუთი IP მისამართი.

Real Vision-ის ხელმძღვანელი აღნიშნავს, რომ ციფრული აქტივების მფლობელთა რაოდენობის ზრდის მთავარი მამოძრავებელი ფაქტორი ფიატური ვალუტების გაუფასურება და პარალელურად, კრიპტოვალუტების მასობრივი დანერგვა იყო.

„ციფრული აქტივების ფასების ცვლილების 90% გაუფასურებით აიხსნება, ხოლო კრიპტოვალუტების მასობრივი დანერგვა ტრადიციულ ვალუტებთან შედარებით მათ სრულ უპირატესობას უზრუნველყოფს.“- მიიჩნევს პალი.

პალის ვარაუდით, ციფრული აქტივების მფლობელთა რაოდენობის სწრაფი ზრდის ფონზე 2032–2034 წლებისთვის კრიპტო ბაზრის კაპიტალიზაციამ შესაძლოა 100 ტრილიონ დოლარს გადააჭარბოს, რაც შესაძლებელს გახდის კრიპტო ინდუსტრია მსოფლიოს უდიდეს ფინანსურ ბაზრებს შევადაროთ.

მანამდე  რაულ პალმა ოთხი მსხვილი ალტკოინის – Solana, SUI, DOGE და XRP – ის შესახებ ისაუბრა და უახლოეს მომავალში მათი შესაძლო სწრაფი ზრდის პროგნოზი გააკეთა.